marzo, 2021

02marTodo o día18abr‘José Suárez. 1902-1972'mostra antolóxica(Todo o día) Edificio Castelao. Museo de Pontevedra, PontevedraEvento tipo:Exposicións

Detalles do Evento

As imaxes de autor de José Suárez, un fotógrafo absolutamente singular dentro da fotografía galega, centrarán a vindeira exposición temporal do Museo de Pontevedra. A mostra antolóxica ‘José Suárez. 1902-1972′ poderá visitarse no ‘Edificio Castelao’ desde o vindeiro 2 de marzo ata o 18 de abril e recollerá 150 fotografías nunha proposta expositiva dos comisarios Xosé Luis Suárez Canal e Manolo Sendón que achega ao público a obra dun dos máis vangardistas e orixinais fotógrafos galegos do século XX.

A mostra percorre toda a traxectoria profesional do autor a través da exhibición dunha selección de 150 fotografías, máis un número importante de cartas, documentos, libros e catálogos que axudan a dar unha visión de conxunto da súa biografía profesional. Para a súa mellor comprensión, presentarase dividida en tres grandes seccións á súa vez subdivididas en series fotográficas ilustradas con pequenos textos de diversos autores ao redor do seu traballo.

Unha primeira sección falará de ‘Os anos 30: Por terras de Salamanca e Mariñeiros’, outra do ‘Exilio. 1936: Neve na Cordilleira, América del Sur, Xapón e Retratos’, e a terceira e última do ‘Retorno. 1959: La Mancha, Touros, Mediterráneo, Inglaterra e Galicia Anos 60′.

Todas elas recollen unha gran produción: desde as diferentes series fotográficas sobre a sociedade campesiña galega e o mundo do mar nas que emprega recursos formais propios das vangardas, ata a súa produción no exilio, cando compatibilizou a fotografía co cine, se instalou en Uruguai, viaxou a Xapón, e cando en 1959 retornou a Galiza.



VISITAS GUIADAS

As visitas guiadas á exposición ‘José Suárez. 1902-1974’, organizadas polo Museo de Pontevedra, serán os xoves sábados, ás 18:00 h, e permitirán ás persoas participantes (4 persoas por sesión) introducirse na modernidade e o talento da obra do fotógrafo galego máis internacional do século XX.

Debido á situación creada pola COVID é necesaria inscrición previa a través do teléfono 986 804 100 extensión 42413 ou por correo electrónico escribindo a educacion.museo@depo.es, en horario de 08:30 a 14:30 h.

Tanto a entrada á exposición como a participación na visita guiada é gratuíta.

Hora

Marzo 2 (Martes) - Abril 18 (Domingo)

Localización

Edificio Castelao. Museo de Pontevedra

Rúa Padre Amoedo Carballo, 3. 36002 Pontevedra

Está pasando!