'Missa Pro Natura'

xov26mai20:00'Missa Pro Natura'Híbridas en Santa Clara: sons no retablo20:00 Igrexa do Convento de Santa Clara - Pontevedra

Detalles do Evento

Este proxecto da Capela Madrigalista e o Quinteto Rubato é unha misa sacra con texto en latín e galego, que compuxo Julio Domínguez no que destaca unha mensaxe da relación do ser humano en diversos aspectos (negativos e positivos) coa natureza e a súa harmonía.

HÍBRIDAS EN SANTA CLARA

Híbridas en Santa Clara é unha proposta de varios ciclos arredor da música e das artes escénicas.

Estes ciclos mesturan intereses artísticos diferentes, fusionando disciplinas e dando lugar a unha programación que combina elementos creativos de diversas procedencias.

Levan por nome: Mesturas, Danza, Desconecta, Sons no Retablo, Pianos e Música sen Palabras.

A mestura de conceptos, estilos, formatos e, sobre todo, o contraste entre o espazo e os contidos é o que caracteriza este proxecto que incorpora propostas galegas e do resto do estado.

En definitiva, creacións diversas nun espazo tan singular como é a igrexa do Convento de Santa Clara, no corazón de Pontevedra.

A entrada para todas as actividades será de balde até chegar ao límite do foro. É dicir, non será precisa ningunha reserva para ningunha das actuacións.

O programa completo pode ser descargado aquí e a través dos códigos QR que se atopan nos carteis de ‘Híbridas en Santa Clara’ que están por toda a cidade.