'O Porco de Pé' en Pontevedra

xov27out21:00'O Porco de Pé' en PontevedraPonteatro21:00 Auditorio Municipal da Illa de Arousa - A Illa de Arousa

Detalles do Evento

Enmarcado no ciclo Ponteatro, a compañía Producións Teatrais Excéntricas porá en escena no Teatro Principal de Pontevedra a obra ‘O Porco de Pé’.

Unha peza satírica a medio camiño entre o circo, o cuartel, os títeres e o cabaret, que está máis vixente que nunca.

O Porco, o animal totémico dos cocidos e dos entroidos, toma os teatros para demostrar a sua superioridade sobre os seres humanos. O que presenta Excéntricas é un teatro de barracón, aquel que, na infancia, nos fascinaba e nos asustaba a partes iguais. Un farol mortizo, un chan de serrín, unha cortina vermella e, de súpeto, aparece o porco en elegante pose de equilibrista a sosterse sobre os pés, a finxirse un ser humano con tanta graza, que resulta imposible distinguilo.

Vai para cen anos, Vicente Risco detectou unha nutrida presenza porcina vestida con elegantes abrigos e chapéus a confundirse cos propios burgueses. A divertidísima sátira do ourensán, a medio camiño entre o circo, o barracón, os fantoches e o cabarete, ten hoxe mais vixencia que nunca. Nesta viaxe á fascinante década do 20 do século XX, pasarán como nunha linterna máxica, anarquistas, esportistas, agraristas, proxenetistas, golpistas, vanguardistas, caciquistas, futuristas, pasadistas e presentistas.

Producións Teatrais Excéntricas inventa, para reinventar este retrato de NÓS, un teatro de fenómenos cheo de monstros de barracón. Para dar vida á galería zoolóxica contan con tres fenómenos: Patricia Vázquez, Victor Mosqueira e Evaristo Calvo. Na plástica, o fantástico Carlos Alonso, no mundo sonoro, o ventrílocuo Piti Sanz, na luz, o acrobata Octavio Mas, e na dramaturxia a besta das duas cabezas: Pepe Sendón e Quico Cadaval.

Entradas anticipadas á venda desde 8 euros en Ataquilla.com

Hora

(Xoves) 21:00

Localización

Auditorio Municipal da Illa de Arousa

Rúa Palmeira, 29 - 36626 A Illa de Arousa

Está pasando!