O musical ‘Cruz de Navajas, el último Mecano’ chega ao Auditorio Mar de Vigo

27 Decembro 2022

‘Cruz de Navajas, el último Mecano’, é o maior recoñecemento ao grupo máis grande do pop no noso país, Mecano, que xa viron máis de 150.000 persoas en Madrid. Non se trata dun musical ao uso, senón dun espectáculo único. Por primeira vez, non se emprega un fío argumental que conecte cada tema: cada un deles transfórmase nunha historia e un universo particular. Un sorprendente e rompedor formato audiovisual, onde se escoitan e recrean as grandes cancións de Mecano, interpretadas cada unha delas con orixinais e asombrosas postas en escena, grazas a unha avanzada tecnoloxía, e ao talento e a sensibilidade máis exquisita.

‘Cruz de Navajas, el último Mecano’ é unha obra creada polo experimentado e recoñecido produtor e director artístico Gonzalo Pérez Pastor. Galardoado cun Premio MAX por ‘Avenue Q’, doce Premios de Teatro Musical, seis Premios Broadway World por ‘Sonrisas y Lágrimas’, ‘Cabaret’, ‘Priscilla Reina del Desierto’, ‘West Side Story’ e ‘Billy Elliot’, Gonzalo Pérez Pastor soubo rodearse dos mellores profesionais e seleccionar aos artistas con maior talento, para garantir un resultado de máxima calidade e gusto exquisito.

Máis de 30 cancións e 25 artistas sobre o escenario: 7 voces grandiosas, unha extraordinaria banda de músicos en directo, un espectacular corpo de baile, e todo iso enmarcado nunha impactante e magnífica escenografía de 100 m2 de pantallas led, que transforman a cada momento todos e cada un dos números para convertelos en asombrosas pezas musicais.

Estreada en marzo de 2020 no teatro da Rambleta de Valencia, ‘Cruz de Navajas, el último Mecano’ proseguiu a súa andaina no Teatro Arriaga de Bilbao, para chegar en maio de 2021 ao recinto de IFEMA en Madrid. Desde entón, máis de 150.000 persoas viron este espectáculo musical.

‘Cruz de Navajas, el último Mecano’ é, máis que un musical ou un concerto, toda unha experiencia audiovisual. Un espectáculo único que ningún apaixonado da música debe perderse. Representarase do 19 ao 21 de maio no Auditorio Mar de Vigo e levarán a cabo 4 funcións, venres ás 20.30 horas, sábado ás 18.00 e 21.30 horas e domingo, 18.00 horas.

Entradas anticipadas á venda desde 35 euros en teuticket.com

Está pasando!

ven22nov09:00XIII Encontro de Conservación e Restauración en PontevedraA madeira, soporte de bens culturais09:00 Pontevedra

ven22nov20:00Concerto de Abraham Cupeiro en Vilagarcía'resoando no pasado'20:00 Vilagarcía de Arousa

sáb23nov10:00Andaina solidaria do Rotary Club de Pontevedraaxuda aos damnificados pola DANA10:00 Lago de Castiñeiras

sáb23nov10:30Ruta guiada 'Mulleres na Historia de Moaña'Descubre Moaña no Outono 202410:30 Moaña

VER MÁIS AXENDA