O Concello de Salvaterra porá en marcha unha ‘Aula Mentor’ con máis de 200 cursos online

16 Xaneiro 2023

O Concello de Salvaterra de Miño vai por en marcha unha ‘Aula Mentor’, na nova aula de Novas Tecnoloxías situada na Casa de Cultura de Salvaterra, a cal funcionará de luns a venres en horario de 09.00 a 14.00 horas, a partir do mes de febreiro.

A través desta nova iniciativa de formación telemática, a veciñanza poderá beneficiarse dun amplo catálogo de cursos online.

Para acceder a toda a información sobre o proxecto e máis o catálogo de cursos accesible poderán facelo en aulamentor.es

As persoas interesadas nesta iniciativa de formación online poden contactar co Concello por teléfono ou ben a través do correo electrónico salvaterrademino@aulamentor.es

Aula Mentor ofrece formación non regrada, flexible e con titorías personalizadas. Unha vez realizado o proceso de matrícula, as persoas beneficiarias poderán completar os seus cursos na propia aula de novas tecnoloxías ou ben nas súas casas.

Os cursos teñen un custe de 24 euros mensuais e, coa súa superación, obtense un certificado oficial, asinado polo Ministerio de Educación e Formación Profesional.

O programa de formación do Aula Mentor, busca mellorar as posibilidades de empregabilidade a través da formación online, desenvólvese en Salvaterra de Miño en virtude dun convenio asinado entre o Concello e o Ministerio de Educación e Formación Profesional.

Está pasando!

ven22nov09:00XIII Encontro de Conservación e Restauración en PontevedraA madeira, soporte de bens culturais09:00 Pontevedra

ven22nov20:00Concerto de Abraham Cupeiro en Vilagarcía'resoando no pasado'20:00 Vilagarcía de Arousa

sáb23nov10:00Andaina solidaria do Rotary Club de Pontevedraaxuda aos damnificados pola DANA10:00 Lago de Castiñeiras

sáb23nov10:30Ruta guiada 'Mulleres na Historia de Moaña'Descubre Moaña no Outono 202410:30 Moaña

VER MÁIS AXENDA