O grupo Helen & Shanna actúa na Praza do Reló da Guarda o vindeiro 5 de decembro

28 Novembro 2020

O Concello da Guarda, a través da Concellería de Cultura, retoma o proxecto “Música nos Xardíns”, paralizado por mor da pandemia da Covid-19 no mes de agosto, para por en valor a escena musical e de festivais a nivel local, en consenso coas asociacións culturais da vila.

Debido a pandemia do COVID-19, se tiveron que suspender os grandes eventos musicais existentes na vila da Guarda e que enchen de música cada ano diferentes espazos do noso municipio, é por elo, e ante as novas medidas de prevención e distanciamento social, que o concello da Guarda decidiu apostar por un proxecto no que se representasen aos colectivos que cada ano organizan festivais musicais, pero nun novo formato, “Música nos Xardíns”.

Despois dun primeiro concerto que se celebrou o pasado 31 de xullo a cargo do grupo local Milhomes, e dun segundo concerto que se celebrou o venres 21 de agosto co grupo Ded Routines, agora é a quenda do grupo Helen & Shanna, que porá o peche a esta edición o sábado 5 de decembro a partires das 11:30h na Praza do Reló. Cunha forte influencia folk, Helen & Shanna recolle aspectos doutras culturas, con instrumentos tan variados coma o sitar, a trompeta, o violín ou o ukelele.

A actividade terá inicio ás 11:30h no Salón de Plenos do Concello cunha charla a cargo de Fernando Rego sobre “Unha historia da música en Galicia. 1952 – 2018”. Unha vez rematada a charla, Helen & Shanna fará a súa actuación en sesión vermú na Praza do Reló da Guarda.

Programa do sábado 5 de decembro

Charla a cargo de Fernando Rego sobre “Unha historia da música en Galicia. 1952 – 2018” no Salón de Plenos ás 11:30h.

Concerto de Helen & Shanna na Praza do Reló – Concerto apadriñado polo Rock Guardés

Para asistir a este evento é preciso formalizar unha inscrición previa no Centro Cultural da Guarda no teléfono 986 61 1850 (en horario de 10:00 a 13:00h e de 17:00 a 20:00h) ou no enderezo electrónico centrocultural@aguarda.es

Está pasando!

sáb23nov10:00Andaina solidaria do Rotary Club de Pontevedraaxuda aos damnificados pola DANA10:00 Lago de Castiñeiras

sáb23nov10:30Ruta guiada 'Mulleres na Historia de Moaña'Descubre Moaña no Outono 202410:30 Moaña

sáb23nov11:30Visita ao mural ‘O río da vida’ da UNED Pontevedra Fundación Manuel Moldes e Concello de Pontevedra11:30 Pontevedra

sáb23nov18:00‘Conversas do primeiro andar’ no Mercado de PontevedraMúsica, libros e viño no Gastroespazo do Mercado 18:00 Pontevedra

VER MÁIS AXENDA