A 22 edición dos Domingos do Principal achega 10 espectáculos entre o 17 de xaneiro e o 21 de marzo

2 Xaneiro 2021

A 22ª edición do Festival de teatro para toda a familia Domingos do Principal, terá lugar todos os domingos comprendidos entre o 17 de xaneiro e o 21 de marzo, con dobre pase ás 12:00 e 18:30h. no Teatro Principal de Pontevedra.

Os últimos 3 coincidirán coas datas de celebración do Salón do Libro e estarán relacionados coa súa temática: cambio climático, ecoloxismo, Efecto PO2.

Entradas á venda en Ataquilla.com a un prezo único de 4,00 € por pase. De non esgotarse as entradas na venda anticipada, a billeteira do Teatro Principal abrirá de 10:00 a 11:00 h. na sesión matinal, e de 16:30 a 17:30 h. na da tarde.

Por favor, achégate ao teatro con antelación (30 min) para evitar aglomeracións e acceder as túas localidades con seguridade. Butacas numeradas.

PROGRAMA

DOM 17 XAN | 12:00 e 18:30 h

ÚNIKO

Teatro Paraiso (Araba)

Paul é fillo único e o rei da súa casa. O nacemento da súa irmá Irati provocara que un medo íntimo a deixar de ser querido se apodere del ameazando a estabilidade familiar.

Misturando as técnicas do títere e do teatro máis realista presentamos o desacougante tema dos ciumes, mirando de frente en toda a súa crueza, aínda que sen perder nunca o sentido do humor.

Premio FETEN 2020 á mellor interpretación, Maite Bayón

  • Teatro de actor / títeres
  • Duración: 67 minutos.
  • Recomendado a partir de 6 anos

DOM 24 XAN | 12:00 e 18:30 h

A DANZA DA CHOIVA

Elefante Elegante (Galiza)

Que acontecería se de súpeto deixase de chover? Non durante un mes, un verán ou un ano, senón par sempre?.

Esta é a pregunta que coloca a danza da choiva, un espectáculo sen palabras onde conviven o teatro xestual, a danza a manipulación de obxectos e os monicreques. A Danza da choiva trata un tema serio a través dunha posta en escena poética e visual.

Premio María Casares 2017 ao mellor espectáculo infantil

  • Técnica mixta
  • Duración: 50 minutos
  • Recomendado a partir de 3 anos

DOM 31 XAN | 12:00 e 18:30 h.

RIQUETE EL DEL COPETE

Higiénico papel Teatro (Xixón, Asturies)

Un príncipe moi feo e moi listo cun “copete” de pelo na cabeza: Riquete el del copete.

Unha princesa moi fea e moi lista. Outra princesa moi guapa e moi tonta. Riquete namorase dunha delas.

Que pasará coa guapa?

Que pasará coa fea?

Unha versión peculiar do conto clásico de Charles Perrault.

  • Teatro de actor. Comedia
  • Duración: 55 minutos
  • Recomendado a partir de 5 anos

DOM 7 FEB | 12:00 e 18:30 h

CONTACREQUES

Emedous (Galiza)

Un espectáculo poético, divertido, áxil e desenfadado baseado nos contos clásicos O Reise-ñor, Garavanciño e O Zapateiro e os trasnos.

Garavanciño: As peripecis dun minúsculo personaxe nun mundo de «xigantes».

O Resiseñor: Na remota China, O canto dun paxaro revélalle o goce de vivir a un emperador.

O Zapateiro e os trasnos: A maxia dun Zapatrasno que é quen de transformar a realidade.

Nos transporta a un mundo con voces de contadores de historias e corpos de monicreques.

  • Monicreques
  • Duración: 45 minutos
  • Recomendado a partir de 3 anos

DOM 14 FEB | 12:00 e 18:30 h

CARTÓONS

Excéntricas e Teatro do Adro (Galiza)

Dous pallasos moran á marxe. Á marxe de todo. Arrodeados de cartóns, nun mundo de cartóns que a xente tira porque non serven para nada. Quen dixo que non servían para nada? Con eses cartóns construirán cousas e mais cousas. Con eses cartóns construirán todas as historias que nos contan.

  • Clown e musical.
  • Duración: 50 minutos
  • Recomendado partir de 4 anos.

DOM 21 FEB | 12:00 e 18:30 h

HANSEL Y GRETEL

Borobil teatroa (Guipuzcoa)

Versión libre da historia de Hansel e Gretel.

Hai tempo alguén roubou todos os libros de cociña do mundo. Agora a xente só come hamburguesas nas Amonioburguers.

Juan Mari é un famoso cociñeiro. Desde que desapareceu o seu libro de recetas perdeu os clientes, está a punto da ruina e o banco ameázao con pecharlle o restaurante. Os fillos Hansel e Gretel deciden ir falar co banco, pero para iso terán que pasar polo bosque e a lenda di que no bosque hai unha árbore que da mazás de caramelo. O que probe esas mazás non voltará á casa…

  • Teatro actoral e movemento
  • Duración: 50 minutos
  • Recomendado a partir de 6 anos

DOM 28 FEB | 12:00 e 18:30 h

ITALINO GRAND HOTEL

Cia La Tal (Barcelona)

Quen lava os milleiros de sabas e toallas dos hoteis?

No último soto do Italino Grand Hotel está a lavandaría. Alí, un personaxe solitario lava, pasa o ferro e perfuma a roupa. Vive só, soña entre as sabas e agacha a soedade conversando coas máquinas e xogando até coa súa propia sombra. Pero undía namórase.

  • Teatro de actor, clown
  • Duración: 55 minutos
  • Recomendado a partir de 4 anos

DOM 7 MAR | 12:00 e 18:30 h

JOJO

Borja Ytuquepintas (Barcelona)

JOJO, é o nome do primeiro orangután que foi rescatado do seu cativerio e que significou o inicio do proxecto Animal Rescue, unha organización Non Gubernamental que loita por salvar animais en catividade e rehabilitalos no seu medio natural.

O espectáculo conta a historia de Jojo. Actualmente Jojo aínda vive e é un gran orangután macho.

Unha fermosa proposta escénica de poesía visual sen texto usando a area e manipulación de títeres con música en directo.

  • Teatro visual, arte con area e monicreques e música en directo
  • Duración: 55 minutos
  • Recomendado a partir de 7 anos

DOM 14 MAR | 12:00 e 18:30 h

Semente – O homem que plantava árvores

Ajidanha (Portugal)

Baseado nunha historia real.

“O Homem Que Plantava Árvores” é unha historia inesquecíbel sobre o poder que o ser humano ten de influenciar o mundo. Narra a vida dun home e o seu esforzo solitario, constante e paciente, para facer do sítio onde vive un lugar especial.. É unha historia admirabel que nos mostra como un home humilde e insignificante aos ollos da sociedade, vivindo lonxe do mundo e usando só os seus propios medios, consegue reforestar só unha das rexións mais inospitas e áridas de Francia.

A partir de “O Homem Que Plantava Árvores” de Jean Giono.

  • Teatro de actor
  • Duración: 45 minutos
  • Recomendado a partir de 8 anos

DOM 21 MAR | 12:00 e 18:30 h

Crusoe

Compañía Markeliñe (Bizkaia)

Crusoe, nunha illa só. Nunha illa con sabor a mar abandonado, vai vendo a vida pasar e así aprenderá a vivir e a relacionarse co seu entorno, e a coidalo, dentro da súa soedade.
Unha metáfora da vida cun toque de poesía visual, música en directo e humor.

Premio FETEN 2020 á mellor música

  • Teatro de actor con música en directo
  • Duración: 55 minutos
  • Recomendado a partir de 5 anos

PROGRAMA DOMINGOS DO PRINCIPAL PDF

Está pasando!

sáb23nov10:00Andaina solidaria do Rotary Club de Pontevedraaxuda aos damnificados pola DANA10:00 Lago de Castiñeiras

sáb23nov10:30Ruta guiada 'Mulleres na Historia de Moaña'Descubre Moaña no Outono 202410:30 Moaña

sáb23nov11:30Visita ao mural ‘O río da vida’ da UNED Pontevedra Fundación Manuel Moldes e Concello de Pontevedra11:30 Pontevedra

sáb23nov18:00‘Conversas do primeiro andar’ no Mercado de PontevedraMúsica, libros e viño no Gastroespazo do Mercado 18:00 Pontevedra

VER MÁIS AXENDA