A décima edición de PortAmérica terá lugar excepcionalmente a primeira fin de semana de xuño, os días 2, 3 e 4

28 Decembro 2021

Música, natureza, gastronomía galega, 3 escenarios, ShowRocking, Mercado de Talentos e acampada volven a Comarca de Caldas de Reis.

A décima vai ser a primeira edición ao grande do PortAmérica no novo recinto de Portas: A Azucreira. Tamén estará moi presente A Carballeira de Caldas de Reis e A Tafona.

Pero, como ten lugar en calquera grupo de amigos, ás veces é difícil atopar unha data na que coincidir todos. Así é que PortAmérica terá lugar excepcionalmente a primeira fin de semana de xuño, os días 2, 3 e 4.

O evento gastronómico Showrocking, que contou con 35 chefs internacionais na súa última edición, supón unha experiencia diferencial dentro da oferta gastronómica actual: conta cunha localización privilexiada e potencia os recursos e atractivos asociados ao territorio, o produto galego e os grandes cociñeiros conformando unha alternativa turística singular de primeiro nivel.

O ShowRocking de PortAmérica, que comisiona o chef Pepe Solla desde a súa primeira edición, é Premio Fest 2015, 2017 e 2018 á mellor zona gastronómica.

Xa hai 22 chefs confirmados polo momento para PortAmérica 2022 e atesouran numerosos recoñecementos nacionais e internacionais.

+info e entradas á venda en portamerica.es (As entradas para PortAmérica 2020 son válidas para PortAmérica 2022).

ARTISTAS CONFIRMADOS