Luis López na presentación de “Culturea” | © Deputación de Pontevedra

A Deputación de Pontevedra presenta “Culturea”: o plan de apoio aos colectivos culturais da provincia que aumenta o seu orzamento ata o millón de euros

15 Decembro 2023

O presidente da Deputación destaca que a partida reservada para este programa para o próximo ano aumenta un 25 % en comparación co consignado no ano 2023

O presidente da Deputación de Pontevedra, Luis López, presentou esta mañá o renovado plan de apoio do Goberno provincial ao sector cultural bautizado co nome de “Culturea”. Un programa pensado para apoiar tanto ás entidades sen ánimo de lucro como as agrupacións culturais que manteñen viva a cultura popular e as tradicións en todo o territorio da provincia e que contará no ano 2024 cun orzamento dun millón de euros, un 25 % máis do consignado para o 2023.

“Culturea é o herdeiro dos plans de apoio que se veñen poñendo en marcha na Deputación desde os anos 80, incluído o Pontegal e ademais é o programa cultural máis ambicioso desde o punto de vista orzamentario”, recoñeceu o mandatario provincial durante a presentación desta iniciativa.

Este plan de apoio ao tecido cultural será o que contará “con máis capilaridade na provincia”, pois atenderá as demandas das asociacións de veciños, comisións de festas, celebracións gastronómicas ou reunións de barrios. Será tamén o máis diverso e amplo de todo o territorio, pois abrangue a todos os pequenos grupos que “enchen de cor as aldeas e barrios de Pontevedra”, destacou López.

Ademais de redobrar a aposta orzamentaria, o programa “Culturea” reforza tamén a súa estratexia de difusión a través da páxina web da axenda cultural da provincia, contará con perfís propios en redes sociais e dará maiores facilidades para a impresión e o deseño de carteis.

Está pasando!

lun23decConsultarSanxenxo no Nadal 2024Do 29 de novembro de 2024 ao 6 de xaneiro de 2025(Consultar: luns) Sanxenxo

lun23decConsultarVive o Nadal 2024 en Salvaterra de MiñoDo 8 de decembro de 2024 ao 5 de xaneiro de 2025(Consultar: luns) Salvaterra de Miño

lun23decConsultarNadal Marín 2024Do 5 de decembro de 2024 ao 5 de xaneiro de 2025(Consultar: luns) Marín

lun23decConsultarVivir o Nadal en Soutomaior 2024Do 7 de decembro de 2024 ao 6 de xaneiro de 2025(Consultar: luns)

VER MÁIS AXENDA