A escena musical de Pontevedra mobilízase no certame de homenaxe a Xela Arias

12 Maio 2021

Pontevedra homenaxeará a Xela Arias cun gran evento poético-musical que terá lugar na praza da Ferraría e no que se anunciará a banda gañadora do certame musical ‘X Xela’.

Quince bandas pontevedresas participaron no certame, musicando poemas da escritora homenaxeada no Día das Letras Galegas deste ano.

As tres bandas finalistas, Tíbet 1990, Nacho Mora e Río Verdugo, intercalarán as súas actuacións cun recital a cargo das poetas Tamara Andrés, Miriam Ferradáns, Regina Touceda e Elvira Ribeiro.

O acto estará presentado polas regueifeiras Alba María e Lupe Blanco e terá cabida limitada atendendo á situación sanitaria.

Non é necesario inscribirse pero para aquelas persoas que desexen facelo, habilitouse un formulario de inscrición na web apuntate.pontevedra.gal

En caso de choiva, o evento trasladarase ao Teatro Principal.

Entrada de balde.

Está pasando!

sáb23nov10:00Andaina solidaria do Rotary Club de Pontevedraaxuda aos damnificados pola DANA10:00 Lago de Castiñeiras

sáb23nov10:30Ruta guiada 'Mulleres na Historia de Moaña'Descubre Moaña no Outono 202410:30 Moaña

sáb23nov11:30Visita ao mural ‘O río da vida’ da UNED Pontevedra Fundación Manuel Moldes e Concello de Pontevedra11:30 Pontevedra

sáb23nov18:00‘Conversas do primeiro andar’ no Mercado de PontevedraMúsica, libros e viño no Gastroespazo do Mercado 18:00 Pontevedra

VER MÁIS AXENDA