Campaña polo 25N ‘Son muller, son Diana’ | © Concello de Pontevedra

A fachada da renovada Casa Consistorial de Pontevedra loce desde hoxe unha gran diana e o lema da campaña do 25N: ‘Son muller, son Diana: a quen teñen que apuntar para que che importe?’

19 Novembro 2024

Lores: «Educación, formación, recursos e unidade de toda a sociedade para dicirlle alto e claro ás mulleres que estamos con elas e que queremos acabar coa lacra da violencia machista»
O alcalde e concelleiras/os dos tres grupos municipais asistiron ao despregamento dunha gran diana flanqueada polo lema do 25N no edificio

Desde hoxe a fachada da Casa Consistorial de Pontevedra loce unha unha gran diana, flanqueada polo lema da campaña municipal do 25-N: ‘Son muller, son Diana, a quen teñen que apuntar para que che importe?‘ Ao despregamento acudiron o alcalde Miguel Fernández Lores e a concelleira de Igualdade, Anabel Gulías, xunto cos voceiros dos grupos municipais: Eva Villaverde (BNG) e Iván Puentes (PSOE), e un amplo abano de concelleiros dos tres grupos con representación no Concello de Pontevedra.

Si hai uns días a concelleira Gulías subliñaba “a necesidade de reivindicar, de poñer no centro da axenda política, da axenda pública que nos seguen matando por ser mulleres”, hoxe o alcalde Fernández Lores reivindicou que “temos que estar todas e todos unidos á hora de acabar coa lacra da violencia machista”, que deixa un regueiro “absolutamente inadmisible de asasinatos de mulleres pola violencia machista”. Fixo estas declaracións diante da gran diana que simboliza a campaña municipal do 25N, que cualificou de “impactante”.

Campaña polo 25N ‘Son muller, son Diana’ | © Concello de Pontevedra

Vintecatro horas despois da lectura do manifesto do 25N no Pleno municipal, Fernández Lores lembraba as claves do documento xestado polo Colexio de Psicoloxía de Galicia para axudar e apoiar ás vítimas e camiñar cara a erradicación da violencia de xénero, no que se fai fincapé “na necesidade e derivar todas a atención psicolóxica e sanitaria das vítimas do machismo ao sistema público de saúde”.

O manifesto do 25N reivindica medidas como: o acceso universal á atención psicolóxica especializada, a formación e sensibilización continua tanto para profesionais da saúde como para asforzas de seguridade e servizos sociais; recursos económicos e profesionais estables e suficientes e maior coordinación e coñecemento dos recursos existentes.

“Educación, formación, recursos e unidade de toda a sociedade para dicirlle alto e claro ás mulleres que estamos con elas e que queremos acabar coa lacra da violencia machista”, resumiu o alcalde.

Un chamamento a unidade compartido polo voceiro do PSOE, Iván Puentes, quen sinalou a necesidade de “alertar das políticas negacionistas da discriminación que sofren as mulleres e da violencia machista”.

A campaña do 25N do Concello de Pontevedra quere transmitir dúas mensaxes claras, explicaba na presentación da mesma a concelleira de Igualdade, Anabel Gulías:

1.- Tratar a violencia machista como unha cuestión estrutural. “Non falamos do caso de catro tolos que matan as súas mulleres; é unha cuestión que ten que ver co patriarcado, coa educación, que ten que ver coas prácticas políticas, coas prácticas que todas e todos temos na esfera pública e na esfera privada… nos matan, por sermos mulleres”, explicaba.

2.- Loitar contra a percepción de que os asasinatos machistas son unha efeméride máis. “Percibimos que cada vez que asasinan a unha muller, respondemos dun xeito rutineiro: unha concentración diante das institucións, cando un feito así tiña que sacar ás persoas ás rúas para reclamar xustiza, reparación e dignidade” indico Anabel Gulías. “Ë un regueiro de mulleres asasinadas pola violencia machista, que leva a preguntarnos A quen teñen que apuntar para que che importe (subtítulo da campaña 25-N)”, engadía.

Evento tipo

Localización do Evento

sáb05abrConsultarII Poio Mostra - Feira Multisectorial e do Automóbil4, 5 e 6 de abril de 2025(Consultar: sábado) Poio

sáb05abrConsultarXXXVII Festa da Ostra de Arcade4, 5 E 6 DE ABRIL DE 2025(Consultar: sábado) Soutomaior

sáb05abrConsultarXXVI Salón do Libro Infantil e Xuvenil de Pontevedrado 21 de marzo ao 6 de abril de 2025(Consultar: sábado) Pontevedra

sáb05abr18:00Butacazero presenta 'Iribarne' no GroveRede Galega de Teatros e Auditorios18:00 O Grove

VER MÁIS AXENDA

A fachada da renovada Casa Consistorial de Pontevedra loce desde hoxe unha gran diana e o lema da campaña do 25N: ‘Son muller, son Diana: a quen teñen que apuntar para que che importe?’

zoompontevedra