O Combo Dominicano e Sote DJ inauguran este martes a XXI Festa do Mar cun concerto en Samieira

22 Agosto 2022

A programación desta vixésimo primeira edición dara comezo mañá martes no campo de fútbol de Samieira, coas actuacións de SOTE DJ e o Combo Dominicano.

Ademais de en Combarro, onde se celebrarán a meirande parte das actividades, tamén se inclúen actuacións musicais espalladas por diferentes puntos do municipio que se desenvolverán ata o domingo 28 de agosto. 

Máis de dúas décadas fan que a Festa do Mar sexa un dos eventos máis importantes dentro do programa Verán en Poio, impulsado pola concellaría de Festexos.

Nesta edición, a música e a tradición mariñeira coparán todo o protagonismo da XXI Festa do Mar, que non contará con carpa gastronómica en Combarro, debido á falta de espazo no peirao da Canteira, por mor da realización das obras do emisario submarino que está a efectuar a Xunta de Galicia.

A Festa do Mar contará neste 2022 con orquestras e grupos de gran nivel. Así, ademais da actuación do Combo Dominicano, tamén chegará a Poio a Orquestra Olympus. A cita será en Raxó o mércores 24, ás 22.00 horas. O xoves 25, esta parroquia acollerá, á mesma hora, un concerto a cargo de Dr. Queen, unha das bandas tributo máis importantes a nivel mundial. Os concertos musicais pecharanse o domingo 28 na Praza da Chousa de Combarro, cun espectáculo a cargo de Concert Kids Gisela, ás 20.00 horas. Euro ABBA porá o broche final ás 22.00 horas.

A entrada será gratuíta en todas as iniciativas.

Ademais, a programación tamén inclúe o Armadiña Rock, que, como manda a tradición, levarase a cabo na Praza da Chousa de Combarro os días 26 e 27 de agosto.

Nesa fin de semana, entre o venres 26 e o domingo 28, chegará tamén o Encontro de Embarcacións Tradicionais. Logo da recepción e cea de benvida da primeira xornada, o sábado 27 iniciarase a regata da Reiboa, puntuable para a Copa Mörling. Pola tarde, será a regata pamplina a remo e a correspondente a vela. A entrega de trofeos terá lugar ás 21.00 horas. O domingo 28, antes da despedida oficial aos participantes, tamén haberá tempo para a navegación libre pola ría. Como principal novidade, este ano as embarcacións disporán de fondeos no peirao da Chousa, que se suman aos amarres que usan habitualmente no pantalán.

Está pasando!

sáb23nov10:00Andaina solidaria do Rotary Club de Pontevedraaxuda aos damnificados pola DANA10:00 Lago de Castiñeiras

sáb23nov10:30Ruta guiada 'Mulleres na Historia de Moaña'Descubre Moaña no Outono 202410:30 Moaña

sáb23nov11:30Visita ao mural ‘O río da vida’ da UNED Pontevedra Fundación Manuel Moldes e Concello de Pontevedra11:30 Pontevedra

sáb23nov18:00‘Conversas do primeiro andar’ no Mercado de PontevedraMúsica, libros e viño no Gastroespazo do Mercado 18:00 Pontevedra

VER MÁIS AXENDA