A Festa dos Libros marca no calendario a súa celebración para encher a Ferraría de libros e cultura

30 Xaneiro 2023

Entre o 7 e o 9 de xullo, trece librarías da cidade de Pontevedra promoverán presentacións, sinaturas, conversas e máis actividades nun espazo singular e emblemático da cidade

A Festa dos Libros volverá no 2023 a Pontevedra. A concelleira de Festas, Carme da Silva, mantivo unha reunión esta semana coas librarías pontevedresas e os seus responsábeis para comezar a xestar a edición deste ano, que xa conta cunha data que marcar no calendario.

Entre o 7 e o 9 de xullo, a praza da Ferraría funcionará como un epicentro cultural de historias, relatos, conversas e contos. A Festa dos Libros é exemplo evidente de como Pontevedra logra usar o espazo público como un escenario para o encontro e o ocio. Así, alén da venda de libros, os libreiros e libreiras promoverán sesións de conta contos, presentacións de novos títulos, sinaturas de obras, charlas e mesas redondas, concertos, etcétera.

Os horarios serán de 11:00 a 14:00 horas e de 18 a 22.30 horas, agás o domingo, no que o peche será ás 22:00 horas. En total, participarán 13 librarías da Boa Vila:

  1. AVIONES DE PAPEL
  2. CAO
  3. CLIP
  4. CRONOPIOS
  5. D-LECTUM
  6. EL NARANJO
  7. EL PUEBLO
  8. ESPAZO LECTOR NOBEL
  9. LA NUBE DE PAPEL
  10. LIBRARÍA PAZ
  11. LIBRERÍA ESCOLMA
  12. LIBRERÍA METÁFORA
  13. LIBRERÍA SEIJAS
Está pasando!

ven22nov09:00XIII Encontro de Conservación e Restauración en PontevedraA madeira, soporte de bens culturais09:00 Pontevedra

ven22nov17:30ven18:30'A galiña dos ovos de conto', con Pedras de Papel en Pontevedraapego no outono 202417:30 - 18:30 Pontevedra

ven22nov20:00Concerto de Abraham Cupeiro en Vilagarcía'resoando no pasado'20:00 Vilagarcía de Arousa

sáb23nov10:00Andaina solidaria do Rotary Club de Pontevedraaxuda aos damnificados pola DANA10:00 Lago de Castiñeiras

VER MÁIS AXENDA