A futbolista Teresa Abelleira fará un percorrido pola súa biografía na presentación do libro ‘Campioa’ este sábado no Teatro Principal de Pontevedra

28 Decembro 2023

  • Manterá unha conversa coa xornalista especializada en deportes, Nieves Amil no Teatro Principal a partir das 11.00 horas. A entrada será de balde até completar cabida
  • O libro que encargado pola Concellaría de Deportes á Lela edicións que ten unha colección de biografías de persoeiras galegas, repasa os principais fitos da vida da deportista
  • As persoas que se acheguen ao Principal recibirán o libro de agasallo

O Concello de Pontevedra organiza o vindeiro sábado, 30 de decembro un encontro coa futbolista pontevedresa Teresa Abelleira con motivo da presentación do libro ‘Campioa, pequena biografía de Teresa Abelleira’. Será no Teatro Principal a partir das 11.00 horas e a entrada é de balde até completar cabida.

A deportista manterá unha conversa coa xornalista especializada en deportes, Nieves Amil, na que percorrerá distintos fitos da súa vida. O acto estará introducido polo alcalde Miguel Anxo Fernández Lores, que asistirá á presentación.

O libro ‘Campioa’ foi encargado polo Concello de Pontevedra a Lela edicións que ten unha colección de publicacións infantís de biografías de persoeiras galegas. A Concellaría de Deportes, que xestiona Anabel Gulías, considerou oportuno incluír a figura de Teresa Abelleira nesta colección, por iso realizou o encargo. A publicación foi ilustrada por Tania Solla e creada por Polo Correo do Vento.

No encontro con Nieves Amil, Teresa Abelleira abordará distintos fitos da súa vida, ao igual que fai a publicación xa que se trata dunha pequena biografía da futbolista pontevedresa, adaptada para o público infantil.

Todas as persoas que se acheguen ao Teatro Principal este sábado recibirán a publicación de agasallo.

Está pasando!

dom24nov09:00Andainas Saudables da Eurocidade Tui-ValençaDo 7 de abril ao 15 de decembro de 202409:00 Eurocidade Tui-Valença

dom24novConsultarConmemoración do 25N en RibadumiaDía Internacional da Eliminación da Violencia Contra a Muller(Consultar: domingo) Ribadumia

dom24nov10:30II Medio Maratón Concello de VilagacíaCampionato Xunta de Galicia de Medio MAratón 202410:30 Vilagarcía de Arousa

dom24nov20:00'Non pasarán' de Ártika Cía en VigoV Festival 'Comediártiko'20:00 Vigo

VER MÁIS AXENDA