A Guarda festexa o Samaín con actividades para todas as idades

29 Outubro 2023

A Guarda celebra o Samaín cunha xornada festiva para todas as idades que terá lugar o martes día 31 de outubro na Praza do Reló, que será o epicentro das celebracións.

As actividades programadas para esta ocasión especial están divididas en dúas partes. Á tarde, entre as 17:00 e as 19:00 horas, terá lugar unha sesión especialmente deseñada para os máis pequenos e para as familias. Nesta parte, animadores percorrerán as rúas do centro en busca dos cativos que saen a pedir caramelos, e interactuarán con eles, propoñéndolles retos divertidos e proporcionando entretemento.

A partir das 19:00 horas, a atención centrarase na Praza do Reló. Neste lugar, haberá máis animación infantil e sesións de baile ata as 20:00 horas. A Praza do Reló será o escenario perfecto para que os máis cativos desfruten dunha festa inesquecible e se divirtan coas súas familias.

A partires das 22:00 horas chega o momento para os máis maiores cunha sesión DJ coas mellores músicas do momento.

Non perdas a oportunidade de participar nesta celebración do Samaín en A Guarda, onde a diversión e a alegría están garantidas para todas as idades.

Está pasando!

xov19setConsultar17º Festival Internacional de Cinema de BueudO 6 AO 21 DE SETEMBRO DE 2024(Consultar: xoves) Bueu

xov19set18:00Visita guiada á exposición 'A era das fábulas' en PontevedraA arte e o poder rexenerador da fantasía18:00 Pontevedra

xov19set20:30Concerto de Infermi d'amore en PontevedraSociedade Filarmónica de Pontevedra20:30 Pontevedra

ven20setConsultar8º Galician Freaky Film Festival en VigoFestival Internacional de Cinema Freak e Fantástico de Vigo(Consultar: venres)

VER MÁIS AXENDA