Presentación de “A Guarda Mar de Blues” | © Concello da Guarda

“A Guarda Mar de Blues” regresa os días 7 e 8 de xullo á Praza do Reló

22 Xuño 2023

  • O festival de música foi presentado esta mañá no Salón de Plenos da Casa do Concello
  • Grandes figuras nacionais e internacionais do mundo do Blues porán A Guarda no mapa deste xénero musical

Na xornada deste mércores celebrouse no Salón de Plenos da Casa dos Alonso a presentación oficial da terceira edición do festival musical “A Guarda Mar de Blues”, que chega este ano á Praza do Reló os días 7 e 8 de xullo.

No acto de presentación aos medios de comunicación estiveron presentes o Alcalde da Guarda, Roberto Carrero, o concelleiro Fernando Reyes e en representación do festival Óscar Martínez.

Roberto Carrero deu a benvida aos asistentes a esta presentación destacando a importancia de que este festival chegue á súa terceira edición, un festival cunha organización impecable e que traerá á Guarda a artistas moi recoñecidos que promoverán a música blues no municipio.

O Concelleiro Fernando Reyes valorou moi positivamente a celebración da terceira edición de “A Guarda Mar de Blues”, posto que axuda a converter A Guarda nun punto de referencia musical na comarca do Baixo Miño, cun evento cultural que se celebra nun espazo patrimonial tan importante para a vila como é a Praza do Reló, dinamizando tamén a economía local en todos os seus ámbitos, posto que traerá á Guarda a numerosos asistentes de varios puntos de Galicia, España e Portugal.

Óscar Martínez destacou os grandes músicos que visitarán A Guarda os días 7 e 8 de xullo, grandes referentes que farán as delicias dos asistentes coa súa calidade e experiencias musicais, coma é o caso de Tommy Castro & The Painkillers, Javier Turnes & The Hake Men, Mingo Balaguer & Pablo Sanpa ou Julián Maeso.

Nos vindeiros días anunciaranse os horarios definitivos desta terceira edición de “A Guarda Mar de Blues”.

Está pasando!

ven22nov09:00XIII Encontro de Conservación e Restauración en PontevedraA madeira, soporte de bens culturais09:00 Pontevedra

ven22nov17:30ven18:30'A galiña dos ovos de conto', con Pedras de Papel en Pontevedraapego no outono 202417:30 - 18:30 Pontevedra

ven22nov20:00Concerto de Abraham Cupeiro en Vilagarcía'resoando no pasado'20:00 Vilagarcía de Arousa

sáb23nov10:00Andaina solidaria do Rotary Club de Pontevedraaxuda aos damnificados pola DANA10:00 Lago de Castiñeiras

VER MÁIS AXENDA