A Guarda organiza ‘Atrapa o Beat!’, unha xornada en relación á cultura urbana, onde graffiti, baile, música e poesía son as protagonistas en diferentes formatos

12 Abril 2023

O próximo sábado día 6 de maio A Guarda acolle unha xornada en relación á cultura urbana, onde graffiti, baile, música e poesía son as protagonistas en diferentes formatos.

‘Atrapa o Beat!’ é o nome deste evento, que o Concello de A Guarda apoia con obradoiros para a rapazada totalmente gratuitos.

A partir das 11.30 horas comezan dous talleres de xeito paralelo, un de graffiti no C.S O Fuscalho e outro de tres estilos de danzas urbanas no Auditorio San Benito.

O taller de graffiti está impartido por Desastr.One, grafiteiro madrileño que colabora con diferentes músicos e fai do seu arte reivindicación. Con el, aprenderemos a técnica do spray e poderemos participar na creación dun grafite nun dos muros do espazo dispoñible.

O taller de danzas urbanas será no Auditorio San Benito a partir das 11.30 horas, tocando tres estilos de baile que naceron na rúa e nos clubs. Para isto contamos con Carmen Gago que impartirá unha aula de house, Eva Comesaña que será a responsable da parte de hip hop e Elvia Gago, encargada de ensinar waacking.

Ao rematar estas tres aulas, faremos unha jam para practicar o aprendido e compartir co resto, onde Dj e Mc amenizarán a actividade.

Estes dous obradoiros son totalmente gratuítos e para participar debes enviar un mail a [email protected] co taller ao que queres participar, o teu nome completo e idade.


Está pasando!