Kate Atkinson | © Helen Clyne

A mafia nocturna do Londres dos anos 20 protagoniza ‘Los templos del júbilo’, a nova novela da superventas Kate Atkinson

26 Xaneiro 2023

  • Cun estilo dickensiano único, Kate Atkinson crea un magnífico elenco de personaxes para unha novela cativadora que fala da inseguridade e a mutabilidade da vida e dun mundo no que nada é o que parece.
  • A tres veces gañadora do prestixioso premio de novela Costa e autora das novelas do expolicía Jackson Brodie, Kate Atkinson, regresa cunha historia onde a libertinaxe das noites do Soho ofrece unha cara oculta e criminal.
  • Un torbellino de corrupción e sedución e débedas no cegador Londres dos anos vinte.

1926. Inglaterra aínda se recupera da Gran Guerra, e Londres converteuse no centro dunha nova e desenfreada vida nocturna. Nos clubs do Soho os lores relaciónanse con actrices en cernes, os dignatarios estranxeiros con gánsteres, e non é difícil atopar mozas que cobran un chelín por un baile.

A raíña de todo ese rutilante mundo é a famosa Nellie Coker, unha muller implacable e ambiciosa que non dubida en facer todo o que sexa necesario para conseguir que prosperen os seus seis fillos, e entre eles o seu enigmático fillo maior, Niven, que forxou o seu carácter no fragor da batalla do Somme. Pero o éxito sempre granxea inimigos e o imperio de Nellie ten que enfrontarse a ameazas tanto internas como externas, porque baixo o oropel da libertinaxe dese Soho escóndese unha cara escura, un mundo no que é demasiado fácil desaparecer.

A rede de clubs dos Coker verase así envolta na trama de desaparición de dúas nenas de catorce anos cuxas pistas seguen o inspector Frobisher e a bibliotecaria Gwendolen Kelling.

KATE ATKINSON (1951) obtivo o Premio Whitbread (agora Costa) ao Mellor Libro do Ano coa súa primeira novela, Entre bastidores. As súas cinco novelas sobre o expolicía Jackson Brodie, grandes éxitos de vendas, convertéronse na serie de televisión da BBC Case Histories, protagonizada por Jason Isaacs.

A súa novela Una y outra vez recibiu o premio Costa á Mellor Novela e o premio literario South Bank Sky Arts, e quedou finalista do Women’s Prize. En 2011 foille concedida a Orde do Imperio Británico pola súa contribución á literatura e foi elixida Autora do Ano das librerías Waterstones na cerimonia dos Premios Nacionais do Libro de 2013 en Reino Unido.

Está pasando!

lun25novConsultarConmemoración do 25N en RibadumiaDía Internacional da Eliminación da Violencia Contra a Muller(Consultar: luns) Ribadumia

lun25nov11:30Inauguración dunha intervención artística en Pontevedra‘Son muller, son Diana’,11:30 Pontevedra

lun25nov19:00Proxección de 'A Foreign Song' en PontevedraCINECLUBE PONTEVEDRA19:00 Pontevedra

mar26nov20:30Proxección de 'A Calumnia' en PontevedraCINECLUBE PONTEVEDRA20:30 Pontevedra

VER MÁIS AXENDA