A maxia de Pontexogos espallarase polos barrios pontevedreses da Parda, Monte Porreiro e Campolongo os días 30 de decembro e 3 e 4 de xaneiro

16 Decembro 2021

A maxia do Nadal, que terá como epicentro a carpa instalada na avenida Raíña Vitoria, espallarase por outros barrios do municipio a través do programa Pontexogos 2021, impulsado pola Concellería de Promoción Económica e Turismo e a plataforma #PonteLovers. Así, o programa de obradoiros estenderase entre os días 22 e 29 de decembro polas Galerías Oliva, aterrando o 30 de decembro na Parda, o 3 de xaneiro en Monte Porreiro e o 4 de xaneiro en Campolongo.

Entre os talleres e actividades previstas figuran ‘O bosque dos Elfos e das Elfas pintores’, un Photocall-obradoiro de Nadal para fotografarse con personaxes do Nadal e elaborar divertidos imáns con estas imaxes, o taller Ecoadornos (onde se elaborarán copos, bonecos de neve, árbores… con cortiza e materiais de reciclaxe), ‘O establo dos renos/camelos lambóns’, ‘A texeduría dos calcetíns máxicos’, ‘A fábrica dos xoguetes’ e, como non podía ser doutro xeito, as visitas de Pai Natal e dos Reis de Oriente, que recollerán cartas e mensaxes dos nenos e nenas que acheguen (ademais de recibir un doce como adianto aos agardados agasallos).

Tal e como sinala a concelleira de Promoción Económica e Turismo, Yoya Blanco, “Pontexogos conta cunha carpa móbil e mesas plegables, así como cun equipo de música, para levar o bo ambiente e a ledicia aos nosos barrios”.

O cronograma concreto dos obradoiros sería o seguinte:

  • 22, 23, 24, 27, 28 e 29 de decembro, de 17:00 a 19:00 horas: Galerias Oliva (o horario do 24 de decembro será de 11:30 a 19:30 horas.
  • 30 de decembro, de 16:00 a 20:00 horas: Centro Cultural da Parda (Centro Leste).
  • 3 de xaneiro, de 16:00 a 20:00 horas: Centro Cultural de Monte Porreiro.
  • 4 de xaneiro, de 16:00 a 20:00 horas: Centro Cultural de Campolongo e Praza da Liberdade (na zona cuberta do bar).

Está pasando!

sáb23nov10:00Andaina solidaria do Rotary Club de Pontevedraaxuda aos damnificados pola DANA10:00 Lago de Castiñeiras

sáb23nov10:30Ruta guiada 'Mulleres na Historia de Moaña'Descubre Moaña no Outono 202410:30 Moaña

sáb23nov11:30Visita ao mural ‘O río da vida’ da UNED Pontevedra Fundación Manuel Moldes e Concello de Pontevedra11:30 Pontevedra

sáb23nov18:00‘Conversas do primeiro andar’ no Mercado de PontevedraMúsica, libros e viño no Gastroespazo do Mercado 18:00 Pontevedra

VER MÁIS AXENDA