Encordass Fiddle Fest | © Asociación Cultural Galicia Fiddle

A música cajún, orixinaria do sur do estado de Louisiana, chega ao Encordas Fiddle Fest 2023

8 Xuño 2023

A Illa de San Simón será o escenario dunha nova edición do Encordass Fiddle Fest que terá lugar entre os días 30 de xuño e 2 de xullo, cuxa principal novidade será contar cun elenco de artistas especializados na música cajun, propia do sur de Louisiana (USA).

A temática deste ano céntrase na música cajun, orixinaria do sur do estado de Louisiana (USA). Unha selección de artistas de diferentes nacionalidades, referentes deste estilo musical estarán presentes no festival, tendo como fío conductor os instrumentos de corda aplicados á música de raíz.

Encordass Fiddle Fest | © Asociación Cultural Galicia Fiddle

As actuacións musicais terán unha orixinal formulación, nas que será o propio público quen decida que artistas quere ver, dentro dun abanico de pequenos concertos simultáneos distribuídos pola illa nun formato íntimo e acústico, onde primará a proximidade e a posta en valor da contorna.

Tras o atardecer, terá lugar no escenario principal do Campo das Alocucións o concerto final, coa participación de tódolos artistas xunto á Encordass Fiddle Orquestra, con máis de 50 músicos de corda sobre o escenario, entre os que estarán: Bobby Michot (USA), Jock Tyldesley (USA), Vera Van Heeringen (Holanda), Gavin Lewery (U.K), The Flatville Aces (UK), Ernesto Briceño (Venezuela), Iwan Le Gal (Francia), Michael Lucarelli (USA), Bum Ditty (Cataluña/USA), Craig Judelman (USA), Margarida Mariño (Galicia), Hugo Franco & María Pérez (Galicia), Carley Williams (Canadá/UK), Paula Gómez & Xosé Liz (Castela/Galicia) e Abril (Galicia).

Ademais das actuacións en vivo, o festival ofrecerá obradoiros de percusión cajun e bailes de Louisiana. Os visitantes terán a oportunidade de participar activamente, aprender e explorar a súa propia creatividade nunha contorna inclusiva e enriquecedora, gozando da variada oferta gastronómica, cunha degustación a cargo da adega Terras Gauda ou un showcooking patrocinado por Alhambra. Haberá tamén unha posta en valor da contorna, grazas ás visitas guiadas pola Illa de San Simón.

O Encordass Fiddle Fest converteuse nun evento de referencia no calendario cultural de Galicia como festival especializado en música de corda, fomentando a diversidade e o diálogo entre diferentes tradicións e expresións artísticas, promovendo o patrimonio inmaterial da música popular, o respecto pola natureza e o medio ambiente.

As entradas xa están á venda, ofrecendo abono para os tres días (destinado a músicos profesionais e afeccionados, con clases maxistrais de instrumento) e entrada individual (para o público en xeral) para os concertos do domingo 2 de xullo na plataforma Entradium con prezos a partir de 35 euros (transporte en barco incluído).

Toda a información poderá ser consultada na páxina web www.encordassfiddlefest.com

Está pasando!

ven22nov09:00XIII Encontro de Conservación e Restauración en PontevedraA madeira, soporte de bens culturais09:00 Pontevedra

ven22nov17:30ven18:30'A galiña dos ovos de conto', con Pedras de Papel en Pontevedraapego no outono 202417:30 - 18:30 Pontevedra

ven22nov20:00Concerto de Abraham Cupeiro en Vilagarcía'resoando no pasado'20:00 Vilagarcía de Arousa

sáb23nov10:00Andaina solidaria do Rotary Club de Pontevedraaxuda aos damnificados pola DANA10:00 Lago de Castiñeiras

VER MÁIS AXENDA