A praza da Ferraría acollerá un gran mercado de Nadal estas festas

2 Novembro 2023

O Concello ampliará o calendario de actividades previstas, creará unha campaña especial de apoio ao comercio local durante as festas e aproveitará mellor os espazos urbanos, ademais de ofrecer tamén unha programación descentralizada para barrios e parroquias

O Concello de Pontevedra unificará neste 2023 toda a programación de Nadal baixo un mesmo marco de actuación co obxectivo de optimizar o gasto público e abrir a porta a unha expansión no tempo das distintas actividades. Tal anuncio foi realizado esta mañá, na comisión de Benestar social e Cultura, celebrada nas dependencias municipais.

Os edís de Festas e Promoción económica, Demetrio Gómez e Anabel Gulías, adiantaron que neste Nadal tentarase aproveitar mellor os espazos urbanos nos que se desenvolven as actividades (a saber: Praza do Concello, Alameda, Praza da Ferraría, etcétera) ao mesmo tempo que se mantén unha programación descentralizada polos barrios e as parroquias do municipio.

Deste xeito, a praza da Ferraría acollerá un único e gran mercado de Nadal ao longo das festas do inverno, namentres o primeiro andar do Mercado contará con distintas actividades.

Doutra banda, Gómez e Gulías acordaron que se siga colaborando co tecido de comercio de proximidade a través da elaboración dunha campaña de promoción do comercio local específica para o Nadal, así como a futura sinatura de convenios de colaboración coas entidades representativas neste eido, como CCZM e AEMPE.

Está pasando!

sáb23nov10:00Andaina solidaria do Rotary Club de Pontevedraaxuda aos damnificados pola DANA10:00 Lago de Castiñeiras

sáb23nov10:30Ruta guiada 'Mulleres na Historia de Moaña'Descubre Moaña no Outono 202410:30 Moaña

sáb23nov11:30Visita ao mural ‘O río da vida’ da UNED Pontevedra Fundación Manuel Moldes e Concello de Pontevedra11:30 Pontevedra

sáb23nov18:00‘Conversas do primeiro andar’ no Mercado de PontevedraMúsica, libros e viño no Gastroespazo do Mercado 18:00 Pontevedra

VER MÁIS AXENDA