A representación da indumentaria tradicional galega fotografada por Ruth Matilda Anderson chega ó Museo de Pontevedra

9 Agosto 2022

  • Ata o 16 de outubro a cidadanía poderá desfrutar dunha exposición que representa as vestimentas tradicionais fotografadas pola artista estadounidense
  • A exposición poderá ser visitada de martes a sábados de 10 a 21 horas e os domingos e festivos de 11 a 14 horas
  • Os comisarios da exposición, José Luis Rodríguez e David Quiñones, farán visitas guiadas tódolos sábados

O Edificio Castelao do Museo de Pontevedra abriu o pasado sábado as portas a ‘Ruth Matilda Anderson. Unha viaxe pola indumentaria tradicional de Galicia’, a exposición organizada en colaboración coa Hispanic Society de Nova York, que se encargou de aportar o material fotográfico, e comisariada pola pontevedresa Asociación Etnográfica Sete Espadelas.

Con máis de 75 traxes, a mostra reproduce cada unha das vestimentas fotografadas por Ruth Matilda Anderson nas súas viaxes a Galicia entre 1924 e 1926 por encargo da sociedade neoiorquina. Unha experiencia que permite coñecer a Galicia dos anos 20 a través da lente da súa cámara e as anotacións do seu “caderno de bitácora”.

Esta exposición é froito de cinco anos de estudo, busca, análise e recuperación na que Sete Espadelas amosa unha compilación de vestimentas, que forman parte dos fondos da súa colección, para reproducir as fotografías de Ruth Matilda Anderson. Este proxecto supera as 1.000 prendas expostas, unha gran parte delas antigas ou reproducidas a partir de patróns e tecidos antigos acompañadas de ferramentas de traballo orixinais da época e de incalculable valor etnográfico.

A mostra implica unha viaxe no tempo cen anos atrás, recuperando os vellos oficios xa esquecidos, as feiras, as romarías, os traballos no mar, no campo ou na vida cotiá a través dos ollos de Ruth Matilda Anderson.

As 150 imaxes que se amosan no Museo, lembran as leiteiras da comarca de Compostela reunidas na Rúa Nova ao amencer, as redeiras nos portos, os zoqueiros nas feira, as mulleres lavando ou transportando mercadorías na cabeza, entre outras situacións da vida rural galega de inicios do século XX. As vestimentas daquel entón, captaba a atención da cámara de Anderson: a elegancia das mulleres en Muros, a roupa de faena, a representación do loito na vestimenta feminina ou os traxes de gala entre outros. A ourivería tradicional tamén espertou o interese da neoiorquina xunto cos pequenos detalles da roupa, os complementos ou os utensilios de traballo que formaban parte da estética diaria nas vilas e aldeas.

Con motivo da exposición, tamén se publica un catálogo, que recolle máis de 300 fotografías da americana, así como as dos traxes reproducidos para esta ocasión e diferentes pasaxes do seu caderno traducidos por primeira vez ao galego. Do mesmo xeito, fai unha profunda análise do que significou e significa para a nosa etnografía o traballo recollido pola fotógrafa neoiorquina.

Os comisarios da exposición, José Luis Rodríguez e David Quiñones, farán visitas guiadas tódolos sábados de 10.30h a 12:00h mentres dure a mostra en grupos de máximo 25 persoas con inscrición previa en reservas.museo@depo.gal

Está pasando!

sáb23nov10:00Andaina solidaria do Rotary Club de Pontevedraaxuda aos damnificados pola DANA10:00 Lago de Castiñeiras

sáb23nov10:30Ruta guiada 'Mulleres na Historia de Moaña'Descubre Moaña no Outono 202410:30 Moaña

sáb23nov11:30Visita ao mural ‘O río da vida’ da UNED Pontevedra Fundación Manuel Moldes e Concello de Pontevedra11:30 Pontevedra

sáb23nov18:00‘Conversas do primeiro andar’ no Mercado de PontevedraMúsica, libros e viño no Gastroespazo do Mercado 18:00 Pontevedra

VER MÁIS AXENDA