Samantha Hudson, Miguel Anxo Fernández Lores e María Guerra | Concello de Pontevedra

A vindeira gala dos Premios Feroz queda fixada para o 24 de xaneiro, contando con Samantha Hudson como primeira presentadora

10 Xullo 2025

O alcalde, Miguel Anxo Fernández Lores, deu desde o Espazo Artístico de Tenerife, xunto con María Guerra, o pistoletazo de saída a unha gala que promete superarse a si mesma tralo éxito do ano pasado

A vindeira gala dos Feroz celebrarase en Pontevedra o 24 de Xaneiro do 2026. É a data que queda fixada no calendario, confirmada pola presidenta da Asociación de Informadores Cinematográficos de España, María Guerra, durante a súa comparecencia co alcalde Miguel Anxo Fernández Lores desde o TEA (Tenerife Espazo Artístico), espazo que acolle o Festival ‘Lo que viene’, organizado pola nomeada asociación.

O anuncio da data non chega en solitario, faino da man tamén doutro anuncio de relevancia, como é a confirmación da primeira presentadora que participará na gala pontevedresa, que non será outra que Samantha Hudson. É o primeiro dos catro nomes que o pública poderá ver no escenario. Queda pendente coñecer aos outros/as tres.

A delegación pontevedresa desprazada a Tenerife con Samantha Hudson e María Guerra | Concello de Pontevedra

O rexedor explicou que o obxectivo común e realizar unha gala aínda mellor ca do ano pasado, que gozou dun éxito superlativo, tal e como sinalan as cifras que compartiu María Guerra, con máis de 1.000 convidados durante a cerimonia, e unhas 1.100 persoas de público no Pazo da Cultura.

Fernández Lores destacou a boa relación que a organización dos premios mantén coa cidade, que viu as actividades culturais previas á gala cheas de xente, amosando a disposición da cidade a gozar do audiovisual en todas as súas formas. Ademais, o alcalde lembrou que «nada acontece por casualidade nesta cidade», logo de quince días nos que por Pontevedra viviu un Mundial de Multisport, o concerto de Jennifer López, estivo presente en Tenerife no pistoletazo de saída dos Feroz 2026 e está ás portas do comezo do BigSound.

A actriz e cantante Samantha Hudson amosou a súa ilusión por participar nesta cerimonia, lembrando que foi nos Feroz a primeira vez que puido participar nunha alfombra vermella, ao tempo que explicou que xa pasou pola cidade de Pontevedra alá polo ano 2019, sinalando que está «encantada» de regresar a unha cidade «romántica e agradábel».

Está pasando!

sáb12xulConsultarBigsound Festival Pontevedrafestival líder de música urbana en España(Consultar: sábado) Pontevedra

sáb12xulConsultarFestas do Carme 2025 en MarínuN VERÁN PARA VIVILO!(Consultar: sábado) Marín

sáb12xulConsultarSanxenxo Verán 2025Actividades culturais e festivas para o verán(Consultar: sábado) Sanxenxo

sáb12xulConsultarRoteiros ambientais e culturais para o verán en RedondelaDo 5 ao 29 de xullo de 2025(Consultar: sábado) Redondela

VER MÁIS AXENDA