Presentación da XXXIV Feira do Mel, Meleira | © Concello de Pontevedra

A XXXIV Feira do Mel, Meleira, reabrirá as súas portas o vindeiro 14 de agosto para ofrecer produtos naturais e ecolóxicos

13 Agosto 2024

A edil de Promoción Económica do Concello de Pontevedra, Anabel Gulías, participou este venres, 9 de agosto, na presentación oficial da XXXIV Feira do Mel, Meleira, unha das citas clásicas do verán pontevedrés. Os stands que a conforman volverán situarse na rúa Serra entre o 14 e o 17 de agosto, en horario de mañá e tarde.

«A Feira do Mel de Pontevedra ten un ADN de seu, unha tradición propia e realmente é unha cita que moitas pontevedresas están agardando», explica a concelleira. «Esta feira, ademais de contar cuns produtos excepcionais e un programa cheo de actividades, é unha reivindicación da necesidadede potenciar dun sector clave da economía galega como é o sector apícola».

Meleira achegará un produto ecolóxico e local até toda a veciñanza pontevedresa, da man dun traballo coidado «que moitas veces loita contra os elementos e unha competencia feroz».

O programa deste ano inclúe actividades moi variadas, que van desde propostas infantís, até catas especializadas, vermús ou concertos musicais. A concelleira quixo ofrecerlle os seus parabéns á organización da feira e á CCU Zona Monumental pola súa colaboración.

Pola súa banda, desde a organización de Meleira agradeceron a implicación do Concello de Pontevedra á hora de poñer en marcha esta feira que xa é unha cita obrigatoria dentro do verán pontevedrés.

Obradoiros da XXXIV Feira do Mel, Meleira:

MÉRCORES 14 DE AGOSTO