Abraham Mateo, París de Noia e Combo Dominicano, algúns dos pratos fortes das Festas do Carme de Marín

12 Xuño 2023

O verán está á volta da esquina e iso só signiﬁca unha cousa: chegan as Festas do Carme e toda a programación cultural e de ocio que desde o Concello de Marín se prepara para os meses máis calorosos do ano.

A concelleira de Festas, Marián Sanmartín, explicou este sábado que desde o Concello se están a perﬁlar os últimos detalles “dunha programación que queremos que siga a estela destes últimos anos, chea de actividades que pensan en todas as idades, con opcións de ocio case todos os días e que sirvan como un potente revulsivo da nosa economía local”.

Ao longo das próximas semanas iranse desvelando máis detalles e a imaxe deste ano, pero xa se adiantaron algúns dos platos fortes que nos esperan. En Marín, actuarán Abraham Mateo, a París de Noia, o Combo Dominicano, Furia Joven, Galilea e Kubo.

Todas estas propostas terán lugar en torno ás datas centrais do Carme, “pero como levamos facendo estes últimos anos, teremos programación durante todo o mes e tamén en agosto e setembro”, declarou Sanmartín.

Tal e como indicaba ao inicio a concelleira, as Festas do Carme, ademais de ser un atractivo innegable de visitantes á nosa vila, tamén supoñen un importante revulsivo económico para a hostalaría e o comercio local. Por iso, desde o Concello poñen todos os mimbres para que a programación axude a manter esa dinamización tan importante para a vila.