Enterro da Lamprea | © Concello de Salvaterra de Miño

Actividades infantís e o Enterro da Lamprea centran o Entroido en Salvaterra de Miño

30 Xaneiro 2024

O Enterro da Lamprea celébrase o 17 de febreiro a partir das 17:00 horas con saída dende a Rúa Rosalía de Castro

O Concello de Salvaterra de Miño xa está preparado para dar a benvida ao Entroido do 2024. Como xa ben sendo habitual as actividades para os máis pequenos e a diversión en familia son o principal atractivo desta festividade no concello.

O Enterro da Lamprea, que este ano pechará inscricións con máis de 1500 persoas percorrendo as principais rúas de Salvaterra de Miño, celebrarase o 17 de febreiro ás 17:00 horas con saída dende a Rúa Rosalía de Castro e transcurso polas principais rúas da vila ata chegar á Praza do Concello. Será un día onde o espectáculo de son, luces, vestimentas e risas, moitas risas, estarán asegurados. No desfile non faltará a comitiva da defunta lamprea coas súas incondicionais “choronas” que porán a cor fúnebre da tarde. Lembramos a quen queira que poderá acompañar a comitiva da defunta antes da súa queima na Praza do Concello, onde escoitaremos a lectura do testamento da Lamprea e haberá un chocolate quente para todos e todas.

A programación de Entroido complétase co desfile de disfraces dos centros educativos de Salvaterra de Miño dende o Concello ata o Parque A Canuda o venres 9 de febreiro. E non pode faltar a tradicional Festa Infantil de Entroido o martes 13 de febreiro ás 17:30 horas con música, diversión e chocolate e rosca.

Está pasando!

dom24nov09:00Andainas Saudables da Eurocidade Tui-ValençaDo 7 de abril ao 15 de decembro de 202409:00 Eurocidade Tui-Valença

dom24novConsultarConmemoración do 25N en RibadumiaDía Internacional da Eliminación da Violencia Contra a Muller(Consultar: domingo) Ribadumia

dom24nov10:30II Medio Maratón Concello de VilagacíaCampionato Xunta de Galicia de Medio MAratón 202410:30 Vilagarcía de Arousa

dom24nov20:00'Non pasarán' de Ártika Cía en VigoV Festival 'Comediártiko'20:00 Vigo

VER MÁIS AXENDA