O cantante e compositor cordobés Antonio José actuará o 2 de marzo na XXV Festa do Lacón con Grelos de Cuntis

26 Febreiro 2024

O sábado 2 de marzo chega a Cuntis a xira ‘El Pacto’ do cantante e compositor cordobés Antonio José.

O concerto, que forma parte da programación da XXV Festa gastronómica do Lacón con Grelos, dará comezo ás 22:00 horas na Rúa Pedro Campos, nas inmediacións do Pavillón Municipal de Cuntis.

Ademais de presentar ‘El Pacto’, o seu último traballo discográfico, Antonio José repasará algunhas das composicións máis coñecidas dos seus máis de dez anos de carreira, nos que publicou oito álbums conseguindo ata 15 discos de ouro e 12 de platino.

Entradas á venda ao prezo de 20 euros a través da plataforma woutick.es

‘EL PACTO’

Antonio José lanza o seu novo traballo discográfico ‘El Pacto’, un disco no que quere mostrar toda a súa esencia, o que sente e a súa verdade, contando distintas historias que cada un de nós podemos vivir.

O título ten moito que ver con ese pacto que quere ter co seu público e mostrar que, pase o que pase, segue sendo fiel ás súas ideas e aos seus principios musicais e vitais. Aínda así, non deixa de investigar novos sons cos que sente cómodo, como no seu single ‘La Noche perfecta’.

Gravado entre Madrid, Sevilla e Miami, ‘El Pacto’ é unha viaxe de emocións de 10 cancións, que conta coa colaboración de dous grandes amigos do artista que quixeron sumarse a este novo proxecto. O primeiro, Miguel Poveda na canción ‘El plan’ e o segundo, o artista mexicano Kurt que participou en ‘Tengo’.

Está pasando!

ven22nov09:00XIII Encontro de Conservación e Restauración en PontevedraA madeira, soporte de bens culturais09:00 Pontevedra

ven22nov17:30ven18:30'A galiña dos ovos de conto', con Pedras de Papel en Pontevedraapego no outono 202417:30 - 18:30 Pontevedra

ven22nov20:00Concerto de Abraham Cupeiro en Vilagarcía'resoando no pasado'20:00 Vilagarcía de Arousa

sáb23nov10:00Andaina solidaria do Rotary Club de Pontevedraaxuda aos damnificados pola DANA10:00 Lago de Castiñeiras

VER MÁIS AXENDA