As catas comentadas, o Túnel do Viño, a música e as noites gastronómicas centran o programa da Festa do Viño do Condado

17 Agosto 2023

Esta é a sexaxésimo cuarta edición da festa que se celebra os días 25, 26 e 27 e que terá actividades relacionadas co viño durante toda a semana

Os días 25, 26 e 27 de agosto Salvaterra de Miño celebra a LXIV Festa do Viño do Condado do Tea cunha programación que pon en valor os seus viños, a súa música e gastronomía.

A inauguración da festa terá lugar o venres 25 ás 20:00 horas no recinto da muralla pero as actividades comezarán esa mesma semana coas catas comentadas nas que as diferentes adegas participantes ofrecerán degustacións dos seus viños dende o 21 ata o 25 de agosto na Casa do Viño.

Este ano ademais volve o Túnel do Viño onde ó público poderá degustar tódolos viños da subzona do Condado do Tea cun prezo de só 15 euros. As inscricións para ambas actividades deberá realizarse a través do teléfono 617 148 866 ou ben no correo museocienciavino@concellodesalvaterra.org.

Salvaterra de Miño será o último fin de semana de agosto epicentro do viño Condado. Durante os tres días o público poderá catar os viños e ademais desfrutar da música amenizada no día coas charangas e cos diferentes grupos musicais nas noites gastronómicas.

Lucky Duckies e A Roda acturarán o venres 25, SondeSeu e Fanfarria Taquicardia o sábado e o peche da festa será o domingo cos grupos O Fiadeiro, La Sombra de Justine e La Patrulla.

Nesta edición o pregoeiro será o humorista, presentador e actor Roberto Vilar que dará lectura ó pregón ás 13:00 horas no recinto amurallado, será despois do acto que dará a coñecer ós viños deliciosos do ano e a actuación dos grupos folclóricos e bandas de gaitas de Salvaterra de Miño.

Está pasando!

ven22nov09:00XIII Encontro de Conservación e Restauración en PontevedraA madeira, soporte de bens culturais09:00 Pontevedra

ven22nov17:30ven18:30'A galiña dos ovos de conto', con Pedras de Papel en Pontevedraapego no outono 202417:30 - 18:30 Pontevedra

ven22nov20:00Concerto de Abraham Cupeiro en Vilagarcía'resoando no pasado'20:00 Vilagarcía de Arousa

sáb23nov10:00Andaina solidaria do Rotary Club de Pontevedraaxuda aos damnificados pola DANA10:00 Lago de Castiñeiras

VER MÁIS AXENDA