Presentación de ‘As mulleres que opinan son perigosas’ | © Concello de Pontevedra

‘As mulleres que opinan son perigosas’ continúan facendo de Pontevedra a sede do xornalismo e a opinión en feminino

28 Febreiro 2024

  • O alcalde, Miguel Anxo Fernández Lores, agradeceu o traballo e a constancia das xornalistas Susana Pedreira e Diana López Varela ás portas de comezar a sétima edición deste evento
  • O congreso celebrarase entre o 15 e o 16 de marzo no Teatro Principal de Pontevedra, a entrada precisa de inscrición previa

O congreso ‘As mulleres que opinan son perigosas’ volver facer seu o Teatro Principal de Pontevedra. Cita de carácter único no Estado e referente na súa materia, o evento organizado polas xornalistas Susana Pedreira Buján e Diana López Varela acada a súa sétima edición traendo, de novo, a algunhas das voces máis importantes dentro da opinión xornalística.

Concello e Deputación de Pontevedra apoian esta iniciativa que se celebrará entre o 15 e o 16 de marzo na Boa Vila, achegando o pensamento e o talento de mulleres como Olga Viza, Lucía Méndez, Mariola Cubells, Lula Gómez, Claudia Morán, Carolina Sertal ou Noor Ammar.

O alcalde de Pontevedra, Miguel Anxo Fernández Lores, acompañado pola edil de Igualdade, Anabel Gulías, lembrou durante a presentación do programa completo que «se Pontevedra é unha cidade dinámica e referente é grazas ao talento e labor de persoas con iniciativa, neste caso como Susana e Diana, ao poñer e manter en marcha este congreso».

O rexedor da Boa Vila agradeceulles o seu traballo ao longo de todos estes anos, e sinalou que os medios deben darlle a importancia que merece de contar e amosar a opinión de máis da metade do 50 % da poboación.

Setenta e cinco profesionais do xornalismo e da comunicación estiveron en Pontevedra desde 2018 e forman parte da rede ‘As Mulleres que Opinan Son Perigosas’, unha marca de referencia, compromiso e calidade no xornalismo de opinión. Ademais, este encontro é agora moito máis do que se propoñía na primeira edición, porque nestes anos amosamos que tamén son perigosas as mulleres que informan, as que presentan, as que dirixen medios e deciden a axenda, as que entrevistan, as que son correspondentes internacionais, as que ilustran e as que crean contido para redes.

Se ben a entrada é de balde, si é precisa unha inscrición previa a través da páxina oficial do evento, co fin de controlar o número de prazas e non superar a capacidade total das mesmas.

PROGRAMA COMPLETO

Venres 15 de marzo

  • 12:00 h Inauguración. Diana López e Susana Pedreira co Concello e coa Deputación.
  • 12:30 h Gañadoras do I Premio Opinión #MulleresQueOpinan: Carolina Sertal e Carmen G. Magdaleno.
  • 13:15 h “Entender e desmontar o machismo: ‘eres una caca”. Lula Gómez, guionista, podcaster e realizadora audiovisual.
  • 14:00 h Pausa para xantar.
  • 17:00 h “A beleza e a opinión nunca deben morrer”. Mercedes Corbillón, de Diario de Pontevedra e La Voz de Galicia.
  • 17:45 h “Desde a comedia e con retranca tamén se opina”. Jazmín Abuín, xornalista, cómica e actriz.
  • 18:30 h Pausa para o café.
  • 18:45 h “Maternidades precarias: entre o privilexio e a incerteza”. Diana Oliver, xornalista especializada en maternidade, infancia e saúde.
  • 19:30 h “Tres décadas observando e relatando o poder”. Lucía Méndez, de El Mundo.

Sábado 16 de marzo

  • 12:00 h “Ética xornalística no tratamento da violencia machista”. Ana G. Liste, de praza.gal
  • 12:45 h “Entrando en Materia: ciencia, tecnoloxía e saúde con perspectiva de xénero”. Patricia Fernández de Lis, redactora xefa en El País e directora de Materia.
  • 13:30 h “De iso SI se fala: mulleres rompendo silencios persoais e colectivos”. Isabel Cadenas Cañón, xornalista, escritora e documentalista sonora.
  • 14:15 h Pausa para xantar.
  • 17:00 h “Vivir aquí: opinar desde o propio”. Cláudia Morán, de Nós Diario.
  • 17:45 h “Repensar o feminismo: apartheid de xénero e construción do relato”. Noor Ammar Lamarty, activista xurídica e podcaster.
  • 18:30 h Pausa para o café.
  • 18:45 h “Mellor que nunca: a revolución das mulleres +60”. Mariola Cubells, de La Ventana da Cadena SER e Huffington Post.
  • 19:30 h “Referente e pioneira: a información deportiva leva o seu nome”. Olga Viza, xornalista e presentadora de televisión.
Está pasando!

ven22nov09:00XIII Encontro de Conservación e Restauración en PontevedraA madeira, soporte de bens culturais09:00 Pontevedra

ven22nov17:30ven18:30'A galiña dos ovos de conto', con Pedras de Papel en Pontevedraapego no outono 202417:30 - 18:30 Pontevedra

ven22nov20:00Concerto de Abraham Cupeiro en Vilagarcía'resoando no pasado'20:00 Vilagarcía de Arousa

sáb23nov10:00Andaina solidaria do Rotary Club de Pontevedraaxuda aos damnificados pola DANA10:00 Lago de Castiñeiras

VER MÁIS AXENDA