As Rutas de Arquitectura da Deputación ofrecen visitas a pazos, mosteiros, igrexas e castelos de dez concellos da provincia

26 Agosto 2021

Os pazos, mosteiros, as construcións civís, castrenses e relixiosas da provincia, son os protagonistas das Rutas de Arquitectura cos que a Deputación de Pontevedra pon en marcha para difundir o noso patrimonio en colaboración coa Real Academia Galega de Belas Artes.

Nesta edición serán catro as andainas previstas, que percorrerán espazos de dez concellos da provincia e que terán lugar os sábados pola mañá do 18 de setembro ao 9 de outubro, cun total de 100 prazas.

Cada un dos catro itinerarios, que terán lugar en horario de 10:00 a 13:30 horas, contará con 25 prazas e terá como guías ás doutoras en Arquitectura Estefanía López e Luz Paz.

Para participar é precisa a inscrición previa, indicando cal é a ruta escollida, os nomes das persoas participantes (máximo de 4 por reserva) e un teléfono de contacto.

  • Inscrición: roteiros.cultura@depo.gal
  • Prazas limitadas: 25 persoas por ruta
  • Indicaranse o nome da ruta, os nomes das persoas participantes (máximo 4 por reserva) e un número de teléfono de contacto.
  • Será obrigatorio o uso da máscara
  • Os traslados entre os diferentes puntos da visita faranse en vehículo particular

PONTEVEDRA-POIO. Comarca de Pontevedra

  • Sábado 18 de setembro, de 10:00 a 13:30
  • Estefanía López
  • Punto de partida: ruínas de San Domingos
  • Ruínas de San Domingos, pazos urbanos de Pontevedra, igrexas da Peregrina e de San Bartolomé, mosteiro de Poio

OIA-A GUARDA-TOMIÑO. Comarca do Baixo Miño

  • Sábado 25 de setembro, de 10:00 a 13:30
  • Estefanía López
  • Punto de partida: Galiña Azul de Oia (A Riña, 7)
  • Mosteiro de Santa María de Oia, igrexa de Santa María da Guarda, castelo de Santa Cruz, fortaleza de San Lorenzo de Goián

MORAÑA-CATOIRA. Comarca de Caldas

  • Sábado 2 de outubro, de 10:00 a 13:30
  • Luz Paz
  • Punto de partida: santuario dos Milagres de Amil, Moraña
  • Santuario dos Milagres de Amil, torres de Oeste en Catoira, ermida e carballeira de San Cibrán de Dimo en Catoira

MEIS-CAMBADOS-RIBADUMIA. Comarca do Salnés

  • Sábado 9 de outubro, de 10:00 a 13:30
  • Luz Paz
  • Punto de Partida: Mosteiro da Armenteira, Meis
  • Mosteiro da Armenteira, igrexa de Santa María Dozo, pazo Quinteiro da Cruz

Está pasando!

sáb23nov10:00Andaina solidaria do Rotary Club de Pontevedraaxuda aos damnificados pola DANA10:00 Lago de Castiñeiras

sáb23nov10:30Ruta guiada 'Mulleres na Historia de Moaña'Descubre Moaña no Outono 202410:30 Moaña

sáb23nov11:30Visita ao mural ‘O río da vida’ da UNED Pontevedra Fundación Manuel Moldes e Concello de Pontevedra11:30 Pontevedra

sáb23nov18:00‘Conversas do primeiro andar’ no Mercado de PontevedraMúsica, libros e viño no Gastroespazo do Mercado 18:00 Pontevedra

VER MÁIS AXENDA