As sesións de ‘Sete Falares’ desta fin de semana terán lugar no Teatro Principal de Pontevedra

18 Xuño 2021

Atendendo á previsión de choiva para os vindeiros días, a volta do Festival Internacional de Contadores e Contadoras de Historias ‘Sete Falares’ comezará a cuberto.

Así, as catro primeiras sesións deste programa terán lugar no Teatro Principal que, atendendo ás medidas sanitarias vixentes, ten capacidade para 94 persoas. A asistencia, ao igual que o resto da programación de verán, é de balde e o acceso será por orde de chegada ata completar aforo.

Trasládanse ao Teatro Principal as dúas sesións desta tarde, Pavís Pavós ás 18:00 horas e Paula Carballeira ás 21:00 horas; a do sábado, Celso Fernández Sanmartín ás 21:00 horas; e a de domingo, Marta Ortiz e Sofía Espiñeira ás 21:00 horas.

Convén lembrar que ‘Sete Falares’ chega cunha edición na que se multiplican os días e o número de artistas participantes. Así, dos tres días habituais nesta edición pásase a 10 (do venres 18 ao domingo 27) e de 7 artistas pásase a 17, cunha especial aposta polos contadores e contadoras galegas.

 PROGRAMA 

Venres 18 de xuño

  • 18:00h. Teatro Principal: Pavís Pavos
  • 21:00h. Teatro Principal: Paula Carballeira

Sábado 19 de xuño

  • 21:00h. Teatro Principal: Celso Fernández Samartín

Domingo 20 de xuño

  • 21:00h. Teatro Principal: Marta Ortiz e Sofía Espiñeira

Luns 21 de xuño

  • 21:00h. Praza da Pedreira: Charo Pita

Martes 22 de xuño

  • 21:00h. Praza da Pedreira: Divas de Diván

Mércores 23 de xuño

  • 21:00h. Praza da Pedreira: Lois Pérez

Xoves 24 de xuño

  • 21:00h. Praza da Pedreira: Cris de Caldas

Venres 25 de xuño

  • 19:00h. Palco da Música da Alameda: Miguel Horta
  • 21:00h. Praza da Pedreira: Antonio Fontinha e Sole Felloza

Sábado 26 de xuño

  • 12:00h. Palco da Música da Alameda: Eugenia Manzanera
  • 13:30h. Palco da Música da Alameda: Vermú de historias, Sole Felloza
  • 19:00h. Palco da Música da Alameda: Antonio Fontinha
  • 21:00h. Praza da Pedreira: Miguel Horta, Eugenia Manzanera e Martha Escudero

Domingo 27 de xuño

  • 13:30h. Palco da Música da Alameda. Vermú de historias, Martha Escudero
  • 21:00h. Praza da Pedreira. Gala de clausura: Eugenia Manzanera, Antonio Fontinha, Miguel Horta, Martha Escudero e Sole Felloza
Está pasando!

sáb23nov10:00Andaina solidaria do Rotary Club de Pontevedraaxuda aos damnificados pola DANA10:00 Lago de Castiñeiras

sáb23nov10:30Ruta guiada 'Mulleres na Historia de Moaña'Descubre Moaña no Outono 202410:30 Moaña

sáb23nov11:30Visita ao mural ‘O río da vida’ da UNED Pontevedra Fundación Manuel Moldes e Concello de Pontevedra11:30 Pontevedra

sáb23nov18:00‘Conversas do primeiro andar’ no Mercado de PontevedraMúsica, libros e viño no Gastroespazo do Mercado 18:00 Pontevedra

VER MÁIS AXENDA