Da Silva e Gómez na presentación de BDra Gráfica | © Concello de Pontevedra

BDra Gráfica medra na súa segunda edición, reivindica a banda deseñada como unha das artes máis importantes e bótase ás rúas de Pontevedra

23 Abril 2024

  • O festival contará cun espazo central na Praza da Ferraría entre o 27 e o 30 de xuño, ademais de xornadas profesionais no Teatro Principal
  • O artista homenaxeado nesta edición será o galego Miguelanxo Prado, figura imprescindíbel do cómic galego e internacional, autor do cartaz deste ano

O edil de Cultura de Pontevedra, Demetrio Gómez, presentou esta mañá a nova edición do festival BDra Gráfica, acompañado do seu impulsor, o debuxante e profesor, Kiko da Silva. A cita, que comezou o seu camiño o pasado ano 2023, contará nesta ocasión cun empurrón de contidos e programación en todos os niveis.

«Pontevedra é unha referencia dentro da BD, en grande medida polo traballo de Kiko da Silva, e polo labor realizado desde O Garaxe Hermético», indicou o concelleiro. «Temos librarías especializadas, temos artistas… somos unha potencia. Por iso, BDra Gráfica medra este ano e chega até as rúas entre o 27 e o 30 de xuño».

O programa dedicado á banda deseñada nacional, estatal e internacional agrupará diversas propostas baixo o seu paraugas, que van desde un salón o cómic até xornadas para profesionais, o que fará que Pontevedra «se transforme na capital galega da BD». «Imos ser o centro galego da BD e, probablemente, con humildade, teremos un evento que ben pode contar con repercusión internacional polos nomes que pasarán polo evento».

O responsábel de adiantar parte da programación que Pontevedra vivirá o vindeiro xuño foi Da Silva, que agradeceu a aposta decidida do Concello de Pontevedra á hora «de seguir apostando pola banda deseñada en galego e máis aínda por darnos a oportunidade de presentar este evento o Día do Libro, reivindicando a BD como unha das artes que forman parte dos andeis das librarías».

O debuxante pontevedrés lembrou que se ben hai anos falar de BD ou cómic era falar dunha cultura underground, mesmo en ocasións invisíbel ao mundo, hoxe en día as cousas son ben distintas, pois «case todas as librarías contan nos seus andeis con banda deseñada e na actualidade a cantidade de lectoras que ten esta arte e mesmo superior ao número de homes».

Da Silva explicou que BDra Gráfica sairá as rúas para visibilizar e difundir a creatividade nacional e internacional, algo que se relaciona co cambio de data —o ano pasado o evento fora en marzo—, na procura dunha meteoroloxía máis estábel. «Contaremos cunha gran carpa na Ferraría para acoller o evento central, aínda que cómpre lembrar que a programación vai máis aló disto», sinalou.

Nesta edición, as xornadas profesionais que se realizarán no Teatro Principal, entre e 29 e o 30 de xuño «serán diferentes», poñendo o foco na IA e os dereitos de autor dunha banda, e na saúde dos artistas a través dos coidados fisiotepaéuticos para creadores de BD. Ademais, haberá «unha sorpresa» a través dunhas xornadas de creacións de personaxes vinculados non só a BD, Senón tamén a debuxos animados, mais «teremos a exclusiva de quen dará este obradoiro máis adiante, nunhas semaniñas».

«Vai ser un evento BD para todos e para todas, pensando en todas as idades, tanto para xente que acaba de entrar no mundo como que leva toda a vida lendo BD», indicou Kiko. «Estarán presentes todos os xéneros, desde a memoria histórica á novela policíaca».

Entre os convidados especiais desta cita, e que ofrecerán e amosarán a súa obra orixinal en colaboración coa Fundación Manuel Moldes, aparece a figura do extraordinario Miguelanxo Prado, autor que será homenaxeado nesta edición. O artista galego é unha referencia absoluto nesta disciplina artística, con traballos que se poden atopar en case calquera recuncho do mundo; multipremiado e multirecoñecido. Foi responsábel do cartaz deste ano e Pontevedra contará coa súa presencia durante case un mes.

Outros nomes de seu que virán até BDra Gráfica serán: Bartolomé Seguí, Carlos Portela ou o madrileño Keko.

Está pasando!

mar26novConsultarConmemoración do 25N en RibadumiaDía Internacional da Eliminación da Violencia Contra a Muller(Consultar: martes) Ribadumia

mar26nov20:30Proxección de 'A Calumnia' en PontevedraCINECLUBE PONTEVEDRA20:30 Pontevedra

xov28nov19:00Visitas guiadas á exposición de 'Simultánea' en Pontevedra'ABSTRACCIÓNS E MENSAXES CIFRADAS'19:00 Pontevedra

xov28nov20:00Proxección de 'Una mujer bajo la influencia' en NigránCineclub Val Miñor Alice Guy20:00 Nigrán

VER MÁIS AXENDA