Chega a Marín o Campamento Dixital para nenos e nenas de entre 9 e 17 anos

22 Xullo 2025

  • Haberá dúas quendas na Aula CeMit, do 4 ao 8 e do 25 ao 29 de agosto na Aula CeMit
  • Trátanse temas como a ciberseguridade, a creación de contido dixital ou o uso responsable da tecnoloxía
  • As inscricións realízanse en campamentodixital.org

A Aula CeMit de Marín acollerá do 4 ao 8 e do 25 ao 29 de agosto dúas sesións do Campamento Dixital, unha formación 100% gratuíta para que os nenos e nenas de entre 9 e 17 anos melloren divirtíndose sobre competencias dixitais.

A formación, que está certificada, está impartida por educadores especializados e conta con distintos módulos formativos en función das idades.

Aos participantes de 9 a 11 anos ensínaselles como detectar novas falsas, aprender a contrastar información, crear contido e aprender a comunicarse, usar ben os motores de búsqueda, configurar un correo electrónico e crear contrasinais seguras.

Cos de 12 a 13 anos, trátase o tempo que pasan frente ás pantallas, para que saiban organizalo, así como o fortalecemento da privacidade nas redes sociais e como xestionar a pegada dixital. Analízanse casos de ciberacoso e explóranse formas de filtrar, garfar e compartir contido na web.

Finalmente, para os rapaces e rapazas de 14 a 17 anos os módulos inclúen como crear o seu propio currículo, como deseñar un logotipo persoal e poñer en marcha un proxecto dixital propio, como ser creador de contido e como editar vídeos con gancho, explorar que é a intelixencia artificial e para que se pode utilizar, e tamén se lles ensina a crear unha web, un videoxogo ou unha aplicación.

Para inscribirse nas quendas de Marín, será preciso facelo a través da web campamentodigital.org

Está pasando!

mar22xulConsultarSanxenxo Verán 2025Actividades culturais e festivas para o verán(Consultar: martes) Sanxenxo

mar22xulConsultarRoteiros ambientais e culturais para o verán en RedondelaDo 5 ao 29 de xullo de 2025(Consultar: martes) Redondela

mar22xulConsultarVisitas guiadas por PontevedraTurismo de Pontevedra(Consultar: martes) Pontevedra

mar22xul11:00mar22:00XVIII Feira de artesanía Chalana en PontevedraDo 16 de xullo ao 3 de agosto de 202511:00 - 22:00 Pontevedra

VER MÁIS AXENDA