Chega a Pontevedra O Tinglado, un mercado de segunda man entre particulares que ten como obxectivo fomentar a reutilización, o consumo responsable e a economía circular

19 Febreiro 2026

O mercado de artigos de segunda man entre particulares O Tinglado chega por primeira vez á Boa Vila tras o seu éxito en cidades como Vigo, A Coruña ou Ferrol.

O evento terá lugar os próximos 21 e 22 de febreiro na Sede Afundación de Pontevedra (rúa Augusto González Besada) e será aberto e de balde, tanto para “clientes” como para quen se anime a vender as cousas que xa non use.

Este mercado, de balde para os expositores e aberto para toda a cidadanía, será o lugar ideal para atopar pezas únicas como roupa, libros ou artigos de decoración, ao tempo que lles damos un novo uso a obxectos que xa non se utilizan ou pasaron a un segundo plano.

A participación como vendedor realízase a través dun formulario web. As prazas son limitadas e outórganse por estrita orde de chegada das solicitudes.

A organización encárgase de facilitar aos participantes o material necesario —mesa, cadeiras e burro— así como un espazo delimitado para a venda dos seus artigos.

Ademais, no acceso ao recinto habilítase un código QR para recoller a opinión de vendedores e compradores, co obxectivo de introducir melloras en futuras edicións.

O Tinglado iniciou a súa andaina en decembro de 2024 na cidade de Vigo e foi evolucionando ao longo de 2025 con distintas edicións celebradas na Coruña, Ferrol e tamén no marco de eventos singulares como a Pantin Classic Galicia Pro, en Valdoviño.

Está pasando!

xov19febConsultarEntroido Pontevedra 2026Do 13 ao 21 de febreiro(Consultar: xoves) Pontevedra

xov19feb19:00Proxección de 'La Traversée' en Pontevedraciclo de cinema 'Dulce bellum inexpertis'19:00 Pontevedra

ven20feb10:30Entroido Salvaterra 2026Do 17 ao 21 de febreiro10:30 Salvaterra de Miño

ven20febConsultarEntroido Vilagarcía 2026Do 14 ao 22 de febreiro(Consultar: venres) Vilagarcía de Arousa

VER MÁIS AXENDA