Aberto o prazo para a presentación de propostas para as primeiras Noites Abertas on-line

15 Decembro 2020

A Concellaría de Xuventude que xestiona Alberto Oubiña vén de presentar a convocatoria de Noites Abertas para o ano 2021, coa que o Concello de Pontevedra leva enchendo 22 anos as noites dunha alternativa de lecer para a mocidade entre 12 e 30 anos.

A consecuencia da pandemia, a edición deste ano obriga a reformular o programa tal e como se coñecía até o de agora, segundo explicou o concelleiro Alberto Oubiña, polo que todas as actividades serán dixitais, agás as que sean ao aire libre.

Son actividades soltas de unha ou dúas horas de duración que se desenvolverán entre febreiro e maio, e todas van a requerir inscrición previa a través da web de Noites Abertas por primeira vez na historia do programa.

Dende hoxe ábrese o prazo para que todas a persoas que queiran participar creando actividades para o programa, o poidan presentar. Este prazo de actividades rematará o vindeiro 30 de decembro.

No mes de xaneiro reunirase a comisión que seleccionará os proxectos. A escolla terá en conta que sexan propostas interesantes para a mocidade, constructivas, lúdicas, participativas e viables online.

Alberto Oubiña destacou que Noites Abertas “é un programa que se adapta con facilidade aos cambios e é moi maleable”, de aí a facilidade para facer a convocatoria deste ano.

O concelleiro tamén fixo mención á estrana convocatoria do ano 2020 que estaba prevista para celebrar en 8 fins de semana pero só se pudieron organizar catro, xa que se pechou o 7 de marzo, despois do entroido.

Até aquel momento pasaran polas Noites Abertas 1.439 persoas “e de non ter parado, tiñamos unha edición de récord” explicou o concelleiro porque se rexistraba unha media de 360 persoas cada fin de semana, cando no ano 2019 a media foi de 279 persoas.

No ano 2020 presentáranse 152 propostas e escolléranse 95. Parte das que non se puideron poñer en marcha en Noites Abertas, fixéronse en Ponteverán, outras non tiveron cabida, polo que a Concellaría agarda poder rescatalas nesta edición.

Está pasando!

sáb23nov10:00Andaina solidaria do Rotary Club de Pontevedraaxuda aos damnificados pola DANA10:00 Lago de Castiñeiras

sáb23nov10:30Ruta guiada 'Mulleres na Historia de Moaña'Descubre Moaña no Outono 202410:30 Moaña

sáb23nov11:30Visita ao mural ‘O río da vida’ da UNED Pontevedra Fundación Manuel Moldes e Concello de Pontevedra11:30 Pontevedra

sáb23nov18:00‘Conversas do primeiro andar’ no Mercado de PontevedraMúsica, libros e viño no Gastroespazo do Mercado 18:00 Pontevedra

VER MÁIS AXENDA