Silvia Rodríguez Coladas e Lola Fernández Pazos charlarán no Liceo Casino de Pontevedra das súas respectivas obras situadas en senllos pazos galegos: ‘Bosquesanto’ e ‘O Pazo de Lourizán’

23 Febreiro 2023

A vicepresidenta do Liceo Casino de Pontevedra, María Prieto, presentará o 2 de marzo ás 19:30 horas a xornada temática ‘El Pazo como inspiración literaria’ na que dúas autoras residentes en Pontevedra, Silvia Rodríguez Coladas e Lola Fernández Pazos charlarán das súas respectivas obras situadas en senllos pazos galegos: ‘Bosquesanto’ e ‘El Pazo de Lourizán’

O vindeiro xoves 2 de marzo ás 19:30 horas, María Prieto Cervera-Mercadillo, vicepresidenta do Liceo Casino de Pontevedra e Mercedes Arbolí, Área de Cultura, presentarán charla-coloquio ‘El Pazo como inspiración literaria’ que realizarán Lola Fernández Pazos, autora de ‘El Pazo de Lourizán’ (HarperCollins Ibérica, 2022) e Silvia Rodríguez Coladas, autora de ‘Bosquesanto’ (Fanes, 2022), no Salón de Actos do Liceo Casino de Pontevedra.

A sesión, que estará aberta a todo o público ata completar o aforo, intégrase dentro da programación cultural da nova directiva do Liceo Casino para o presente exercicio.

Para a vicepresidenta, María Prieto Cervera-Mercadillo, “con iso pretendemos proseguir potenciando a lectura e o coñecemento literario entre os pontevedreses e ademais, continuar servindo de punto de encontro para achegar aos autores cos seus lectores”.

Para a avogada e escritora, Silvia Rodríguez Coladas, “a inspiración da contorna do Pazo da Saleta serviume para recrear o ambiente de Bosquesanto e para salientar a necesidade de conservar o encanto e a soleira destas edificacións así como a marabillosa natureza que lles rodea. Todo iso supón o noso mellor patrimonio”.

En opinión da xornalista económica e agora tamén escritora, Lola Fernández Pazos, finalista do Premio de Novela Histórica. Escritores con la Historia, “foi toda unha honra poder contribuír ao coñecemento dos Pazos galegos en todo o mundo grazas á lectura do Pazo de Lourizán. De feito, moitos lectores interesáronse por visitalo tras ler a obra e iso para min supón unha gran compensación ao esforzo”.

Silvia Rodríguez Coladas e Lola Fernández Pazos | © Liceo Casino de Pontevedra

AS AUTORAS

Silvia Rodríguez Coladas é codirectora do xardín botánico de Excelencia Internacional do Pazo da Saleta e colaboradora habitual na revista LOmagazine. Licenciada en Dereito, exerceu esta profesión durante dez anos en Galicia e Madrid ata que en 2003 empezou a traballar como xefa de prensa na editorial madrileña La Factoría de Ideas, onde desenvolveu a súa alter ego Sylvie Tartán, protagonista do blogue de estilo ‘El Purgatorio de Sylvie Tartán’. Formou parte do equipo de comunicación e prensa da Feria del Libro de Madrid ata 2021 e contratada por Citroën España para escribir a columna quincenal ‘Ellos me ponen’. Actualmente vive no Pazo da Saleta (Meis, Pontevedra).

Lola Fernández Pazos é licenciada en Ciencias da Información, rama Xornalismo e Máster de Información Económica pola UCM e Grao en Estudos Ingleses pola UNED. Especialista en Literatura Victoriana, desempeñouse como xornalista económica en El País Negocios, Cinco Días, El Economista, La Gaceta de los Negocios, GlobalNetFinancial, Intereconomía, Mi Cartera de Inversión e Diario 16-La Voz del Tajo. Tamén foi Directora de Comunicación da CMT e exerceu como Dircom e Directora Institucional en diferentes axencias de comunicación e de public affairs, entre elas, a británica Political Intelligence. Actualmente vive en Marín (Pontevedra).

Está pasando!

ven22nov09:00XIII Encontro de Conservación e Restauración en PontevedraA madeira, soporte de bens culturais09:00 Pontevedra

ven22nov20:00Concerto de Abraham Cupeiro en Vilagarcía'resoando no pasado'20:00 Vilagarcía de Arousa

sáb23nov10:00Andaina solidaria do Rotary Club de Pontevedraaxuda aos damnificados pola DANA10:00 Lago de Castiñeiras

sáb23nov10:30Ruta guiada 'Mulleres na Historia de Moaña'Descubre Moaña no Outono 202410:30 Moaña

VER MÁIS AXENDA