‘Equus’ | © Geraldine Leloutre

‘Equus’, de Peter Shaffer, inaugurará a Tempada de Teatro Afundación en Pontevedra

17 Outubro 2023

A peza ‘Equus’, de Peter Shaffer, baixo a dirección de Carolina África e coa interpretación de Roberto Álvarez, Álex Villazán, Jorge Mauyor, Mamen Camacho e Claudia Galán, inaugurará a Tempada de Teatro Afundación en Pontevedra o mércores 18 de outubro ás 20.30 horas.

«Unha obra que te manterá en suspenso até chegar ao sorprendente desenlace final»

DIRECCIÓN
Carolina África

VERSIÓN / ADAPTACIÓN
Natalio Grueso

ELENCO
Roberto Álvarez, Álex Villazán, Jorge Mayor, Mamen Camacho, Claudia Galán

PRODUCIÓN
OKAPI Producciones

Esta destacada produción da dramaturxia universal tráenos un texto complexo no que o psiquiatra Martin Dysart recibe o encargo máis difícil da súa carreira profesional debe trata a un mozo que cometeu un acto brutal: sacarlle os ollos cun punzón a seis cabalos que coidaba.

A partir de aquí comeza unha investigación na que o psiquiatra deberá investigar sobre que levou a este mozo de boa familia, que xamais tivera ningún problema, a cometer tal atrocidade.

Seguindo as regras do thriller psicolóxico, o psiquiatra vai indagando na vida do raparigo para axudalo e, mentres, terá que loitar tamén cos seus propios demos persoais…

Entradas anticipadas á venda dende 20 euros en Ataquilla.com

OBRAS DA TEMPADA DE TEATRO AFUNDACIÓN EN PONTEVEDRA

‘Un Oscar para Óscar’ chegará ao Auditorio Afundación de Pontevedra o mércores 22 de novembro, baixo a dirección de Mario Hernández e cun elenco conformado por Jon Plazaola, Agustín Jiménez, Rebeca Sala e Mara Guil. Atopámonos na cidade de Los Ángeles o día no que se celebra a cerimonia dos Óscar, en concreto, nun modesto motel dos arredores. Alí atópase Óscar Manzano, nomeado aos premios pola curtametraxe que dirixe, xunto ao ministro de Cultura, Guillermo Barrientos, e á ministra de Facenda, Irene Navarro. Con continuos piques entre os dous políticos, e a poucas horas de empezar a cerimonia, aparece Pauline, unha moza de compañía contratada ás agachadas para que finxa ser a noiva de Óscar durante a gala. Este imposible grupo de catro vivirá a noite máis tola das súas vidas.

O xoves 30 de novembro sairá a escena ‘El librero de Azaña’, de Miguel Murillo, dirixida por Francisco Suárez e coa interpretación de Jacobo Dicenta, Ana Fernández, Juanma Navas, Alberto Luceiro e Isabel Moreno. De ser a encarnación da liberdade e da República para figurar durante moitos anos como o monstro máis infame, Manuel Azaña foi un mito e símbolo español que, por certo, tamén chegou tarde á súa cita co tempo que lle tocou vivir. Desde unha librería de libros usados no Madrid que segue sendo un vínculo entre o vello e o moderno, a historia pasa vertixinosamente no seu escaparate e os libros reflicten os sucesos máis decisivos ocorridos durante vinte anos da nosa historia. Cosme, Pascual, Consuelo e Encarna, xunto ao pobo español, observan o que ocorre e pensan en Azaña, intúeno, interprétano, ámano e ódiano, e esperan algo que, como sempre, non chega.

Finalmente, clausurará a tempada ‘Adictos’, protagonizada por Lola Herrera, Ana Labordeta e Lola Baldrich, o xoves 7 de decembro. Esta obra xorde da necesidade de abordar unha problemática que nos afecta a todas as persoas: ata que punto a tecnoloxía nos somete? Somos libres? Que tipo de sociedade construímos? Que nos trae o futuro? Merecemos chamarnos «seres humanos»? A realidade de Adictos é a da expansión progresiva da desinformación. Unha ficción que manifesta inquietudes que nos incumben a todas e a todos, cuestionando aquilo asumido como certo. Este texto reivindica a capacidade de reacción do ser humano, ese punto de rebeldía necesario para que as cousas evolucionen cara a unha vida tecnoloxicamente sa e socialmente libre.

Todas estas producións teatrais representaranse na Sede Afundación Pontevedra. Ademais, a tempada encádrase no programa solidario «Cultura por Alimentos», levado a cabo en colaboración con FESBAL. Así, os asistentes poderán doar alimentos non perecedoiros depositándoos nos lugares habilitados para eles no acceso ao edificio. Todo o recadado será doado ao banco de alimentos local.

Está pasando!

sáb23nov10:00Andaina solidaria do Rotary Club de Pontevedraaxuda aos damnificados pola DANA10:00 Lago de Castiñeiras

sáb23nov10:30Ruta guiada 'Mulleres na Historia de Moaña'Descubre Moaña no Outono 202410:30 Moaña

sáb23nov11:30Visita ao mural ‘O río da vida’ da UNED Pontevedra Fundación Manuel Moldes e Concello de Pontevedra11:30 Pontevedra

sáb23nov18:00‘Conversas do primeiro andar’ no Mercado de PontevedraMúsica, libros e viño no Gastroespazo do Mercado 18:00 Pontevedra

VER MÁIS AXENDA