Esgotadas as prazas para as visitas teatralizadas no pazo de Liñares da man de Emilia Pardo Bazán

21 Maio 2021

A Deputación de Pontevedra continúa a lembrar a figura de Emilia Pardo Bazán no ano do centenario do seu falecemento. Neste senso, o pazo de Liñares, en Lalín, ao que estivo moi ligado a novelista, acollerá os domingos 30 de maio e 13 de xuño, ás 12 horas, dúas visitas teatralizadas.

Nelas o público coñecerá in situ un dos mellores exemplos da arquitectura pacega de Galicia a través das figuras de Pardo Bazán e de Amalio Taboada, herdeiro do pazo. Malia que as prazas xa están esgotadas, as persoas que queiran entrar en lista de agarda só teñen que enviar un correo electrónico a participa.cultura@depo.gal

O fío condutor da visita será a morte de Carlos Taboada, pai de Amalio e íntimo amigo de Emilia Pardo Bazán e propietario do pazo de Liñares a comezos do século XX. A novelista achegarase ata Lalín para dar o pésame á viúva e aos seus fillos.

Na visita, cunha duración dunha hora, as figuras de Pardo Bazán e Amalio Taboada amosarán ao público o “Palacio del Recuerdo”, como o chamaba a autora, mesturando lembranzas, anécdotas e recreacións dalgúns dos seus contos.

Unha parte do espectáculo terá lugar no xardín do pazo e o resto da actividade desenvolverase no “salón grande”, situado no segundo andar.

As visitas correrán a cargo da compañía Fantoches Baj, con Larraitz Urruzola no papel de Emilia Pardo Bazán e Inacio Vilariño na pel de Amalio Taboada.

Está pasando!

sáb23nov10:00Andaina solidaria do Rotary Club de Pontevedraaxuda aos damnificados pola DANA10:00 Lago de Castiñeiras

sáb23nov10:30Ruta guiada 'Mulleres na Historia de Moaña'Descubre Moaña no Outono 202410:30 Moaña

sáb23nov11:30Visita ao mural ‘O río da vida’ da UNED Pontevedra Fundación Manuel Moldes e Concello de Pontevedra11:30 Pontevedra

sáb23nov18:00‘Conversas do primeiro andar’ no Mercado de PontevedraMúsica, libros e viño no Gastroespazo do Mercado 18:00 Pontevedra

VER MÁIS AXENDA