‘A lúa vai encuberta’ | © Lucía R. Regueiro

Esta fin de semana a Sala Ártika de Vigo acolle o espectáculo ‘A lúa vai encuberta’, de Manuel María

9 Xaneiro 2023

O venres 13 e o sábado 14 de xaneiro ás 20:00 horas na Sala Ártika de Vigo, Incendiaria e a Quinta do Cuadrante porán en escena a obra ‘A lúa vai encuberta’, de Manuel María.

Espectáculo gañador do II Certame Manuel María de Proxectos Teatrais e do premio María Casares á Mellor Adaptación 2022.

Xénero: Teatro Documental
Idade recomendada: + 13 anos
Duración: 75 min

SINOPSE:

‘A lúa vai encuberta’ é unha peza arredor da realidade galega e da loita incesante por conformar unha identidade propia, confrontándonos co noso pasado recente e as súas contradicións, desvelando un discurso que hoxe en día está sendo, senón ocultado, moitas veces silenciado e que explica, en certa maneira, as razóns de por que hoxe en día o noso país ten os trazos políticos, sociais e económicos que o caracterizan.