Paseo Marítimo de Moaña arquivos - Zoompontevedra

Paseo Marítimo de Moaña

Eventos neste lugar

Evento tipo

Localización do Evento

xullo

mér09xulConsultarxov31xulExposición 'Comedy Wildlife', en Moaña The Comedy Wildlife Photography Awards(Consultar) Moaña

Detalles do Evento

Afundación viaxa por toda Galicia con ‘Comedy Wildlife’, a exposición máis aclamada polo público en diferentes cidades europeas.

A través das fotografías seleccionadas no recoñecido Premio Comedy Wildlife Photo, dos anos 2015 a 2022, a exposición fai gala dunha magnífica colección de imaxes de natureza cunha singularidade: diferentes especies animais conectan co ser humano a través das emocións.

Moitas das fotos sacaranche un sorriso, e mesmo algunha che fará rir a gargalladas. Exposición recomendada para familias!

Sesenta fotografías son as que compoñen a exposición homónima do certame internacional, ‘Comedy Wildlife’. As imaxes foron realizadas en distintos recunchos de todos os continentes e todas elas resultaron seleccionadas entre 2015 e 2022 como as mellores instantáneas de animais feitas en clave de diversión e humor no mundo, grazas á colaboración entre Afundación e Terra Espléndida e tras abarrotar en 2023 museos e centros de exposicións dos Países Baixos, Inglaterra, Portugal ou Canadá.

Roland Kranitz ‘Missed’ | Comedy Wildlife

Evitar as mensaxes e as imaxes «deprimentes» é o que busca este certame, e con el a exposición. Isto é o que asegura o cofundador dos premios The Comedy Wildlife, o tamén fotógrafo especializado na natureza Paul Joynson-Hicks, que «as cuestións de conservación e sustentabilidade da vida silvestre están a gañar impulso a nivel mundial, pero as mensaxes e as imaxes tenden a ser negativas, deprimentes e enervantes».

E que por iso se animou, xunto aos fotógrafos de natureza Tom Sullam e Michelle Wood, a crear estes galardóns. Desde 2015, premian as imaxes máis divertidas de animais tomadas nun mundo «extraordinariamente belo e interconectado».

‘Comedy Wildlife’ é unha exposición que cativa toda a familia ao utilizar o humor e a sorpresa como unha forma efectiva de involucrar no encanto do reino animal. As imaxes son extremadamente populares, atraen todas as idades e transcenden todas as culturas e idiomas.

Así, as 60 instantáneas seleccionadas que se presentan do 9 ao 31 de xullo, no Paseo Marítimo de Moaña, mostran, nas posicións e momentos máis divertidos, a animais como tartarugas, mapaches, osos, pingüíns, etc.

Philip Marazzi ‘Polar bear cub with mum’ | Comedy Wildlife

Unha foto divertida de animais é incriblemente eficaz porque non hai barreiras para a comprensión, ou tabús que deben ser negociados. A imaxe aproveita o impulso polo antropomorfismo, que está ben documentado como un dos disparadores máis potentes para a empatía humana. Para entender realmente os animais e as cuestións que lles afectan temos que empatizar con eles como concidadáns do mesmo planeta.

Esta exposición enmárcase en ‘Cultura por alimentos’, unha iniciativa de Afundación a favor de FESBAL (Federación Española de Bancos de Alimentos). Accede e colabora doando algún alimento non perecedoiro que irá destinado ao banco de alimentos local.

Hora

xullo 9 (Mércores) - 31 (Xoves)

Localización

Paseo Marítimo de Moaña

Calendario GoogleCalendar

Eventos neste lugar