Concerto de G-5 en Pontevedra
sáb16ago22:30Concerto de G-5 en PontevedraFestas da Peregrina 2025Praza de España - Pontevedra
Detalles do Evento
O G-5 é o que sempre se chamou un súper grupo. Mellor dito, en terminoloxía propia, un grupo pantasma, que formaron en 2006 Kiko Veneno, Muchachito, Tomasito, El Canijo de Jérez e Diego Ratón.
G-5 naceu en 2006 como un experimento cheo de frescura, talento e espírito rueiro, que unía a cinco das personalidades máis irreverentes e creativas da música mestiza e o rock rumbero do Estado. Ese mesmo ano publicaron o seu único álbum ata a data, ‘Tucaratupapi’, un disco de culto que, a pesar de estar descatalogado e fóra de circulación en plataformas dixitais, segue ecoando na memoria de toda unha xeración.
En 2024, tras 18 anos de silencio, os cinco membros do G-5 volvéronse a reunir nunha serie de encontros esporádicos que deron pé a novas cancións e unha única actuación especial celebrada no festival ‘Noches del Botánico’ de Madrid.
Ademais, 2025 será tamén o ano en que ‘Tucaratupapi’ vexa a luz por primeira vez en formato vinilo, e estea finalmente dispoñible en todas as plataformas dixitais, nunha edición remezclada e remasterizada. E, como adianto do que está por vir, espérase que durante a primavera do próximo ano saian á luz as novas composicións xurdidas deste reencontro.
A súa aparición na Praza de España de Pontevedra o sábado 16 de agosto, suporá, por tanto, unha ocasión única e irrepetible para ver sobre o escenario a este “grupo pantasma” que marcou un antes e un despois na música popular española.
A entrada será de balde, como en todos os concertos das Festas da Peregrina.
FESTAS DA PEREGRINA 2025
As Festas da Peregrina inician o seu programa de actividades o venres 8, rematando o luns, 18 de agosto.
Once días emocionantes e intensos onde a cidade de Pontevedra fai mergullo no lecer, na cultura, na socialización e na diversión.
As festas contarán coas actuacións de Rosario, The Rapants, Lendakaris Muertos, Iván Ferreiro, León Benavente, De Ninghures, Khea, Los Niños de Jesús (a banda de Jordi Évole), Marina Reche, G-5 (o grupo formado por Kiko Veneno, Muchachito, Tomasito, El Canijo de Jeréz e Diego Ratón); Ortiga ou Paloma San Basilio, entre outros.
A programación das Festas da Peregrina 2025, que pode descargarse aquí, é a seguinte:
VENRES 8
- 18 h. Apertura do recinto feiral
SÁBADO 9
- 12 h. Lectura do pregón desde a balconada da casa do concello, praza de España. Foguete de inicio das festas
- 13 h. Pasarrúas percorrendo Michelena e praza da Peregrina a cargo das agrupacións folclóricas: Turoqva, F.A. Matija Gubec, Grupo Folklórico Valdemedel, Grup de Dansa L`Alcudia, Duos Pontes e Celme para a ofrenda floral
- 13.15 h. Traslado da carroza procesional para a ofrenda floral desde a praza de España pola rúa Michelena ata o santuario da Virxe Peregrina
- 13.30 h. Pasarrúas a cargo da charanga OT
- 13.45 h Actuación nas prazas do centro histórico das agrupacións folclóricas: Turoqva, F.A. Matija Gubec, Grupo Folklórico Valdemedel, Grup de Dansa L`Alcudia, Duos Pontes e Celme
- 18 h. Pasarrúas a cargo da charanga OT
- 19 h. Actuación nas prazas da cidade do grupo Rías Baixas
- 21 h. Festival Folclórico coas actuacións de F.A. Matija Gubec (Croacia), Grupo Folklórico Valdemedel (Estremadura), Grup de Dansa L`Alcudia (Valencia) e Agrupación Folklórica Celme (Galiza). Praza da Ferraría
- 22.30 h. Concerto de Lendakaris Muertos. Praza de España
- 22.45 h. Verbena na Gran Vía de Montero Ríos coa orquestra Grupo Cabaret
- 24 h. Fogos de artificio entre a Ponte do Burgo e a Ponte de Santiago. Pirotécnica Penide
DOMINGO 10
- 12 h. Misa pontifical no santuario da Virxe Peregrina
- 12 h. Pasarrúas a cargo da charanga OT polo barrio do Gorgullón e avda de Vigo
- 12.30 h. Actuación do grupo Os de Algures polo barrio de Rosalía de Castro e Campolongo
- 13 h. Pasarrúas a cargo dos Fervellos do Pío por Monte Porreiro
- 13 h. Actuación pola rúa do grupo Pola Vila
- 18 h. Pasarrúas a cargo da charanga OT
- 19 h. Actuación nas prazas da cidade do grupo Veira do Río
- 21 h. Procesión da Virxe Peregrina e danza gremial de cintas, século XVIII. Praza da Peregrina
- 21 h. Festival de corais coa Coral Alameda do Fogar do Maior, Coral Bella Helenes, Coral Helénica, Coral Polifónica de AC do Chopo, Coral Airiños de Campañó e Coral Pontis Veteris. Praza da Ferraría
- 22.30 h. Concerto de Marina Reche. Praza de España
- 22.45 h. Verbena na Gran Vía de Montero Ríos coa orquestra Travesía de Vigo
LUNS 11
- 11.45 h. Actuación do grupo Os de Algures nas prazas e rúas da cidade
- 12 h. Pasarrúas a cargo da charanga OT
- 13 h. Actuación do grupo Pola Vila polo barrio de San Antoniño e Santa Clara
- 19 h. Actuación do grupo Rías Baixas
- 19 h. Pasarrúas a cargo da charanga OT polo barrio de Campolongo e Rosalía de Castro
- 19 h. Actuación do grupo Pousos da Area
- 19.30 h. María Carrera ‘A Bruxa Maruxa’. Praza da Curtidoira
- 21 h. Concerto de Los Niños de Jesús, La banda de Jordi Évole. Praza da Ferraría
- 22.30 h. Concerto de Khea. Praza de España
- 22.45 h. Verbena na Gran Vía de Montero Ríos coa orquestra Alabama
MARTES 12
- 11.30 h. Pasarrúas a cargo da charanga Mil9 polos barrios de San Antoniño e Santa Clara
- 12 h. Actuación do grupo de gaiteiros da asociación Duos Pontes polo barrio de San Roque e Concepción Areal
- 12.30 h. Actuación do grupo Pousos da Area polo barrio do Burgo
- 18.30 h. Actuación a cargo da charanga Mil9
- 19 h. Actuación do grupo Duos Pontes
- 19.30 h. Expresión Contacontos ‘Animados’. Praza da Curtidoira
- 21 h. Circo: Volé Temps. Praza da Ferraría
- 22.30 h. Concerto de Rosario Flores. Praza de España
- 22.45 h. Verbena na Gran Vía de Montero Ríos coa orquestra La Nave
MÉRCORES 13
- 11.15 h. Actuación do grupo Os Alegres polas prazas e rúas da cidade
- 12 h. Pasarrúas a cargo da charanga Mil9, zona da Parda
- 19 h. Batalla de Flores Loureiro Crespo, Benito Corbal, Cobián Roffignac, Padre Amoedo
- 21 h. Festa infantil: La Fiesta Escénica ‘O Circo das Estrelas’. Praza de España
- 22.30 h. Picoco’s Band. Praza da Ferraría
- 22.45 h. Verbena na Gran Vía de Montero Ríos coa orquestra Dinastía
XOVES 14
- 11.30 h. Actuación do grupo Os de Algures
- 12 h. Pasarrúas a cargo da charanga Mil9, polo barrio da Parda
- 19 h. Actuación do grupo Duos Pontes polo barrio de Eduardo Pondal e avenida de Vigo
- 19.15 h. Pasarrúas a cargo da charanga Mil9
- 19.30 h. Fantoches Baj ‘Castelao, un corazón á intemperie’. Praza da Curtidoira
- 21 h. Concerto de Ortiga. Praza da Ferraría
- 22.30 h. Concerto de The Rapants. Praza de España
- 22.45 h. Verbena na Gran Vía de Montero Ríos coa orquestra Xanadú
VENRES 15 – SANTA MARÍA
- 10 h. Partidas simultáneas de xadrez. Escola de Xadrez Pontevedra. Avenida de Santa María
- 12 h. Actuación do grupo Os Alegres
- 12.30 h. Actuación do grupo Veira do Río polo barrio de Santa María e nas prazas da cidade
- 12:30 h. Misa solemne e procesión de Santa María
- 17 h. Xogos populares Avenida de Santa María
- 18.30 h. Actuación do grupo Gaiteiros das Rías Baixas polo barrio de Campolongo
- 19 h. Concerto da Banda de Música de Salcedo. Avenida de Santa María
- 19 h. Pasarrúas a cargo da charanga Charandonga
- 19.30 h. Circo clown: AsSircópatas ‘Rogelio 3. La Fête’. Praza da Curtidoira
- 21 h. Concerto de De Ninghures. Praza da Ferraría
- 22.30 h. Concerto de Paloma San Basilio. Praza de España
- 22.45 h. Verbena na Gran Vía de Montero Ríos coa orquestra Las Vegas
- 23 h. Verbena de San Roque coa orquestra D´Criss. Praza do Gremio de Mareantes
- 24 h. Espectáculo pirotécnico. Pirotécnica Xaraiva. Entre a Ponte do Burgo e a Ponte de Santiago
SÁBADO 16
- 12 h. Actuación do grupo Gaiteiros das Rías Baixas
- 12.30 h. Actuación da charanga Boa Vila polo barrio de San Roque e Concepción Arenal
- 19 h. Actuación da charanga Boa Vila
- 19.30 h Teatro infantil: Caramuxo Teatro ‘Os Senteito’. Praza da Curtidoira
- 20 h. Misa solemne na Basílica de Santa María e procesión de San Roque. Prudencio Landín, Mestranza, Echegaray, paseo de Colón e Capela de San Roque. Madamitas
- 21 h. Concerto da Orquestra Sinfónica de Pontevedra e Grupo Tradicional Chavellos. Praza da Ferraría
- 22.30 h. Concerto de G-5. Kiko Veneno, Muchachito, Tomasito, El Canijo de Jeréz e Diego Ratón. Praza de España
- 22.45 h. Verbena na Gran Vía de Montero Ríos coa orquestra La Fábula
DOMINGO 17
- 11.30 h. Pasarrúas a cargo de Gaiteiros das Rías Baixas
- 12 h. Actuación da charanga Boa Vila
- 12.15 h. Pasarrúas a cargo da charanga Charandonga polo barrio de Campolongo
- 13 h. Pasarrúas a cargo dos Fervellos do Pío polo barrio de San Antoniño, Cruz Vermella e Santa Clara
- 18 h. Pasarrúas a cargo da charanga Charandonga
- 19 h. Actuación da charanga Boa Vila
- 19 h. Pasarrúas a cargo do grupo Os de Algures
- 19.30 h. Teatro música infantil: Mamá Cabra e Aurora Artes Escénicas ‘Bosque’. Praza da Curtidoira
- 21 h. Concerto de Serafín Zubiri e a Banda de Música de Pontevedra. Praza da Ferraría
- 22:30 h. Concerto de Iván Ferreiro e León Benavente. Praza de España
- 22.45 h. Verbena na Gran Vía de Montero Ríos coa orquestra La Noria
- 24 h. Fogos de artificio. Pirotécnica Xaraiva. Entre a Ponte do Burgo e a Ponte de Santiago
LUNS 18
- 18 h. Día infantil nas atraccións de feira
- 19 h. Aquí Báilase: obradoiro de baile. Praza da Ferraría
- 19.30 h. Pasarrúas a cargo de Pola Vila
- 21 h. Aquí Báilase: concerto da A.C. Traspés. Praza da Ferraría
- 22.30 h. Concerto de Los 40 Sessions. Praza de España
