Marta Menezes | Sociedad Filarmónica de Pontevedra

Concerto de Marta Menezes en Pontevedra

lun20abr20:30Concerto de Marta Menezes en PontevedraSociedad Filarmónica de Pontevedra20:30 Teatro Principal de Pontevedra - Pontevedra

Detalles do Evento

Enmarcado na Tempada 2025/26 da Sociedad Filarmónica de Pontevedra, a pianista Marta Menezes ofrecerá un concerto no que interpretará obras de Beethoven.

Será o luns 20 de abril, ás 20:30 horas, no Teatro Principal de Pontevedra.

Marta Menezes é unha das pianistas portuguesas máis destacadas da súa xeración. Os seus recitais exploran o diálogo entre tradición e orixinalidade, a través de propostas que resaltan os matices, a subtileza e a sensibilidade musical características da súa interpretación.

O seu repertorio, coidadosamente seleccionado, que evidencia unha afinidade con Beethoven, abarca desde o barroco ata a actualidade e inclúe con frecuencia obras de compositores menos coñecidos, moitos deles portugueses.

Os seus compromisos para a tempada 2025/26 inclúen o seu debut como solista coa Orquestra Gulbenkian.

Marta Menezes é Primeiro Premio do Concurso Beethoven do Royal College of Music de Londres.

—

BEETHOVEN
Quince variacións e fuga para piano en Mi bemol maior, op. 35 («Heroica»)

BEETHOVEN
Sonata para piano nº 7 en Re maior, op. 10 nº 3

BEETHOVEN
Sonata para piano nº 30 en Mi maior, op. 109

—

A nova tempada da Sociedad Filarmónica de Pontevedra inclúe máis dunha ducia de concertos que se celebrarán no Teatro Principal, Auditorio Sede Afundación e no Auditorio do Pazo da Cultura de Pontevedra entre outubro de 2025 e xuño de 2026.

Cotas: Adultos (12 euros/mes). Xuvenís (6 euros/mes). Para darte de alta como socio, podes facelo os días de concerto ou na web filarmonica.org

Esta programación poderá estar suxeita a variacións. Neste caso, a Xunta Directiva da Sociedade trataría de avisar con suficiente antelación aos socios.