This is a repeating event30 maio 2025

IV Xornadas de Educación do Museo de Pontevedra

xov29maiConsultarIV Xornadas de Educación do Museo de Pontevedra 'Museos e Comunidade: Xerando Sinerxias'(Consultar: xoves) Edificio Castelao. Museo de Pontevedra - Pontevedra

Detalles do Evento

Nas IV Xornadas de Educación do Museo de Pontevedra ‘Museos e Comunidade: Xerando Sinerxias’, que se celebrarán os días 29 e 30 de maio de 2025 no Edificio Castelao, poñemos o foco no papel dos museos como centros aglutinadores de colaboracións entre diferentes axentes culturais, co obxectivo compartido de xerar unha rede comunitaria e asociativa.

Nestes tempos convulsos e incertos, todas as persoas profesionais da cultura, da educación e dos museos enfrontámonos ao reto de ofrecer unha oferta cultural que responda ás necesidades dunha sociedade plural e cambiante: que se espera de nós?, estamos preparados para dar unha resposta satisfactoria?, cal é o futuro dos museos e que papel deben xogar no tecido cultural?…

Sobre todas estas cuestións queremos propiciar un lugar de encontro e intercambio para compartir experiencias, retos e inquedanzas.

O programa estrutúrase en tres bloques temáticos:

XOVES 29 DE MAIO

Tarde: de 16 a 20 h. Bloque 1.º O papel dos departamentos de educación: construíndo comunidades

Abordaremos a importancia que adquiren os museos e as distintas institucións culturais, artísticas e patrimoniais na estrutura comunitaria, e amosaremos distintos proxectos que se están a levar a cabo nesta liña dentro do ámbito nacional.

Presentación

Conferencia inaugural

Mesa redonda

VENRES 30 DE MAIO

Mañá: de 9 a 14 h. Bloque 2.º Educación artística e patrimonial: experiencias de colaboración

Esta contorna de colaboración en rede entre os museos e os diferentes axentes da educación artística e patrimonial vai gañando cada vez máis forza. Para as e os educadores e mediadores culturais é moi importante consolidar estas vías de traballo conxunto a nivel pedagóxico para sumar esforzos e atopar vías alternativas de relación e comunicación cos diferentes públicos.

Conferencia

Presentación de comunicacións

Actuación

Mesa redonda

Tarde: de 16.30 a 19.30 h. Bloque 3.º Axentes culturais: novos retos nunha sociedade en cambio

Como de necesaria é a colaboración entre os distintos axentes culturais e os museos?, De que maneira se poden construír colaboracións sólidas?, Como formulamos conxuntamente os retos de futuro? Invitámosvos a reflexionar sobre estas e outras cuestións.

Presentación de comunicacións

Mesa redonda

Concerto de clausura

Organiza:

Museo de Pontevedra. Deputación de Pontevedra.

Persoas destinatarias:

Profesionais do ámbito da educación, dos museos, da cultura e público en xeral, e tamén estudantes de disciplinas relacionadas co tema das xornadas.

Formato:

Presencial. As intervencións gravaranse en vídeo e estarán dispoñibles na páxina web das xornadas.

Inscrición:

Inscrición gratuíta. O prazo estará aberto ata o 22 de maio. Outorgarase un certificado de asistencia (é necesario completar o 75 % das horas lectivas).

Comité científico:

María Covadonga Barreiro Rodríguez Moldes. Universidade de Vigo

Begoña Paz García. Universidade de Vigo

Sabela Santos Filgueira. Museo de Pontevedra

Ángeles Tilve Jar. Museo de Pontevedra

Paula Tilve Otero. Museo de Pontevedra

María Tobío Dónega. Museo de Pontevedra

María Cristina Varela Casal. Universidade de Vigo

Comité organizador:

Moisés Álvarez Jorge. Museo de Pontevedra

Ángela Comesaña Martínez. Museo de Pontevedra

Diana Duo Ramila. Museo de Pontevedra

Agar Ledo Arias. Museo de Pontevedra

Pilar Moreira Díaz. Museo de Pontevedra

Raquel Torres Fernández. Museo de Pontevedra