abril, 2021

24abr20:00'O meu mundo non é deste reino'Teatro de Ramboia20:00 Auditorio Reveriano Soutullo, PonteareasEvento tipo:Escena

Detalles do Evento

A compañía Teatro de Ramboia presenta o espectáculo ‘O meu mundo non é deste reino’, obra de Manuel María, dirixida por Maria Peinado e interpretada por Anxo García e Fran Lareu.

Un par de trapeiros chegan a unha parada no seu camiño despois de días de longa viaxe cara á Feira do Vento. Traen consigo unha carga enorme de todo tipo de obxectos estraños: cortinas rimbombantes, paus de todos os tamaños, bolsas das que despuntan teas dunha chea de tecidos e cores distintas, e algo que semella ser unha enorme e aparatosa mochila de madeira.

Abraiados ante a abundancia de público, dispóñense a situar as súas pertenzas no espazo con ánimo de venderlle algunha aos alí reunidos. Coma os máis experimentados vendedores de fume, deixan o seu ben máis atesourado para o final; un tutilimundique contén nos seus adentros ao condenado reino de Bululú e os seus habitantes. E así, dáse comezo á farsa.

A peza é unha adaptación da Farsa de Bululú de Manuel María, unha parodia da ditadura franquista. A recuperación do título orixinal da obra serve para proxectar este laio silenciado no seu día.

Hoxe, encabeza o espectáculo de novo para facer fronte a un pasado que insiste en repetirse.


Hora

(Sábado) 20:00

Localización

Auditorio Reveriano Soutullo

Rúa Doctor Fernández Vega, s/n, 36860 Ponteareas

Está pasando!