Proxección de 'O Corpo Aberto' en Salvaterra

sáb24feb22:00Proxección de 'O Corpo Aberto' en SalvaterraCICLO DE CINE DE INVERNO 202422:00 Casa da Cultura de Salvaterra - Salvaterra de Miño

Detalles do Evento

O salón de actos da Casa da Cultura de Salvaterra de Miño acolle a proxección do filme ‘O Corpo Aberto’ (Ángeles Huerta, 2022), dentro do Ciclo de Cine de Inverno 2024.

A película revelación do fantástico español de 2022, un western gótico de sangue galega que sorprendeu a crítica e público pola súa gran factura técnica e atmosfera envolvente. Foi a gran gañadora dos Mestre Mateo con 13 figuras (incluíndo Mellor Película ou Mellor Dirección) e foi recoñecida co prestixioso Melies d’Argent á Mellor Película Fantástica Europea do ano.

1909. Miguel, un novo profesor, é destinado a un pequeno pobo de montaña na fronteira entre España e Portugal: Lobosandaus, unha aldea inhóspita e de tradicións ancestrais. É un home de razón, pero non pode controlar os seus desexos pasionais e, conforme se achega o inverno, sente como a escuridade se apodera de todo á súa ao redor á vez que crece a súa fascinación pola enigmática Dorinda. Nun lugar dominado pola superstición, a estraña morte dun veciño do pobo libera a un espírito libre en busca dun corpo que lle permita seguir coa súa existencia, que levará a Miguel a cuestionar os límites entre o mundo dos vivos e os mortos.

CICLO DE CINE DE INVERNO 2024

Dende o 20 de xaneiro ata o 10 de marzo, con entrada de balde, nenos e maiores poderán gozar dunha oferta coas estreas do ano 2022 e 2023 que cumprirán as expectativas dos espectadores.

Os sábados ás 22:00 da noite e os domingos ás 17:00 horas (sesión infantil) no salón de actos da Casa de Cultura temos unha cita cinematográfica nesta cuarta edición do Ciclo de Cine de Inverno, organizado polo Concello de Salvaterra de Miño.

Sábado 20 de xaneiro | 22:00

‘As Bestas’

Domingo 21 de xaneiro | 17:00 | Cine Infantil

‘A todo tren’

Sábado 27 de xaneiro | 22:00

‘La vida padre’

Domingo 28 de xaneiro | 17:00 | Cine Infantil

‘Hopper: el pollo libre’

Sábado 3 de febreiro | 22:00

‘Avatar: el sentido del agua’

Domingo 4 de febreiro | 17:00 | Cine Infantil

‘El pequeño Nicolás’

Sábado 24 de febreiro | 22:00

‘O Corpo Aberto’

Sábado 2 de marzo | 22:00

‘Babylon’

Domingo 3 de marzo | 17:00 | Cine Infantil

‘Momias’

Sábado 9 de marzo | 22:00

‘El peor vecino del mundo’

Domingo 10 de marzo | 17:00 | Cine Infantil

‘Lilo. Mi amigo el cocodrilo’