Proxección de 'RBG' en Vigo

xov04dec18:00Proxección de 'RBG' en Vigociclo 'Mulleres (d)e Abril. Activistas: cinema por mulleres'18:00 Auditorio do Parque Nacional das Illas Atlánticas de Galicia (Edificio Cambón) - Vigo

Detalles do Evento

O edificio Cambón de Vigo acolle o xoves 4 de decembro, ás 18:00 horas, unha nova sesión do II Ciclo de Cine ‘Mulleres (d)e Abril. Activistas: cinema por mulleres‘, coa proxección de ‘RBG’ (Betsy West e Julie Cohen, 2018) e debate posterior moderado por Sara Tabuyo, doutora en Estudos Ingleses pola Universidade de Vigo e profesora substituta na mesma universidade.

A súa investigación céntrase en estudos feministas, culturais e de ‘girlhood’, con especial atención á novela ‘O conto da criada’, sobre a que versa a súa tese.

‘RBG’ é un documental que ofrece unha ollada á vida e á obra da xurista Ruth Bader Ginsburg (RBG), xuíza do Tribunal Supremo dos Estados Unidos desde 1993 ata a súa morte en 2020.

Considerada parte da ‘liberal wing’, Ginsburg deixou un amplo legado xurídico e converteuse nunha icona inesperada da cultura popular. Porén, a súa extraordinaria traxectoria persoal ata chegar á máis alta instancia xudicial do país permaneceu, durante moito tempo, amplamente descoñecida.

A violencia permanece sempre latente alén dos muros, mais, a directora consegue levar a cabo unha posta en escena na que o fóra de campo sostén a tensión e onde o diálogo, mesmo cando semella imposible, continúa a existir. A vida na favela móstrase a un tempo crúa e luminosa.

Ciclo de cine ‘Mulleres (d)e Abril. Activistas: cinema por mulleres’

Durante os meses de outubro e novembro, terá lugar no Auditorio do Parque Nacional das Illas Atlánticas de Galicia o II Ciclo de cine “Mulleres (d)e Abril”, organizado pola I Cátedra Internacional José Saramago, BiFeGa/Feminario e Abella Producións, con apoios do Grupo de Investigación BiFeGa, o Instituto Camões e o Instituto de Literatura Comparada Margarida Losa.

A entrada é balde, non é necesaria reserva previa.

A programación do Ciclo de Cine ‘Mulleres (d)e Abril. Activistas: cinema por mulleres’ é a seguinte:

16 DE OUTUBRO (con Xisela Franco)

’12 de maio de 1937′ (Mar Caldas, 2025)

‘As Pioneiras do Cinema em Língua Portuguesa’ (Luísa Sequeira, 2023)

‘Margarita Ledo, parolar cun eu’ (Xisela Franco, 2021)

23 DE OUTUBRO (con Margarita Ledo Andión)

‘Nación’ (Margarita Ledo Andión, 2020)

30 DE OUTUBRO (con María Platas Alonso)

‘Chisholm ’72: Unbought and Unbossed’ (Shola Lynch, 2004)

6 DE NOVEMBRO (con Ana Cristina Pereira)

‘Sambizanga’ (Sarah Maldoror, 1972)

20 DE NOVEMBRO (con Egídia Souto)

‘Cesária Évora’ (Ana Sofia Fonseca, 2022)

27 DE NOVEMBRO (con Toya Prudêncio)

‘Mulheres do Meu País’ (Raquel Freire, 2019)

4 DE DECEMBRO (con Sara Tabuyo)

‘RBG’ (Betsy West & Julie Cohen, 2018)

11 DE DECEMBRO (con Lúcia Liberato Evangelista)

‘Baronesa (Juliana Antunes, 2017)