O Burgo | © Concello de Pontevedra

A final dos Xogos Efecto PO2 terá lugar o sábado na praza do Concello

24 Xuño 2021

‘Xogos na rúa’ Efecto PO2 celebrará a súa gran final (adiada a pasada semana a causa das previsión meteorolóxicas) o vindeiro sábado 26 de xuño, de 11.00 a 13.00 horas, na praza do Concello.

Os equipos gañadores das xornadas celebradas en cinco barrios o pasado sábado, amosarán a súas habilidades en novas ‘disciplinas’, como a argola no tallo, colleita de mazarocas e esquís familiares e repetirán no xogo da corda. Cada un dos equipos participantes levará o nome do barrio no que competiu na xornada anterior, Monte Porreiro, O Burgo, Pontevedra Leste, O Gorgullón e Campolongo.

Na xornada do sábado 19 participaran 40 familias, entre as que se contabilizaran total de 61 nenos e nenas menores de 12 anos. Naquela primeira xornada, os equipos formados por crianzas e maiores competiran amosando a súa habilidade ao redor de xogos tradicionais e colaborativos como o peletre, o tres en raia, a corda, o pano, e a colleita de mazarocas.

‘Xogos na rúa’ Efecto PO2 é unha iniciativa da Concellaría de Promoción da Cidade, co obxecto de convidar á veciñanza a ocupar o espazo público dunha maneira lúdica e participativa, e enfocándoa especialmente a público familiar e a fomentar a participación interxeneracional.

Equipos gañadadores que competirán na final (por barrios):

Monte Porreiro