Immaculate Fools tamén formarán parte da segunda edición de Espazo Fest este verán

14 Xullo 2022

  • Soto Asa, Taburete, Pol 3.14, Immaculate Fools, The Soul Jacket e No More Bullshit son os nomes das bandas que forman o cartel desta nova edición que terá lugar entre xullo e agosto e 2022
  • Espazo Fest, o festival dos Pazos de Nigrán que promove unha experiencia na que se mesturan música e patrimonio regresa na súa segunda edición confirmando seis actuacións nos pazos de Urzáiz e de Cea
  • As entradas para a actuación de No More Bullshit están esgotadas e as de Taburete, o 5 de agosto no Pazo de Cea, ao 80% de venda. Pódense atopar na web do festival e en teuticket.com

A banda hispano-británico Immaculate Fools, liderada por Kevin Weatherill, actuará no Pazo de Urzáiz o 4 de agosto presentando o seu último traballo, ‘Stardust and Water’. Con esta última confirmación péchase o cartel da segunda edición de Espazo Fest o festival dos pazos de Nigrán, que se celebrou con gran éxito por vez primeira o pasado verán, e que este ano se levará a cabo entre os meses de xullo e agosto nos pazos de Urzáiz e de Cea e no que a Deputación de Pontevedra colabora a través do Plan Concellos.

A banda Immaculate Fools apareceu no ano 1984 entre o pop sombrío e as tinguiduras folk con aire desesperanzado. A idea xurdiu a partir de dúas parellas de irmáns amantes da música: Kevin e Paul Weatherill, por unha banda, e Andy e Peter Ross, por outro. En moi poucos anos de carreira, conseguiron un éxito notable nas listas de vendas grazas sobre todo ao seu primeiro sinxelo ‘Immaculate Fools’, e outros temas como ‘Wish You Were Here’ ou ‘Come On Jayne’. Este ano cumpríronse 36 anos da edición dese primeiro single e tras diversos proxectos en solitario, os fundadores do grupo, o cantante Kevin Weatherill e o multi-instrumentista Andy Ross, reactivan de novo a banda e chegan a Espazo Fest para presentar o seu último traballo, ‘Stardust and Water’.

Esta nova confirmación únese ás xa confirmadas actuacións da potente banda de versións rock No More Bullshit o 22 de xullo no Pazo de Urzáiz, coas entradas xa esgotadas, Taburete no Pazo de Cea o 5 de agosto, precedidos pola actuación de Roma, un día despois, o 6 de agosto chega Soto Asa, unha das rutilantes estrelas da música urbana actual, que xa ten colaborado con Yung Beef ou coa mismísimo Bad Gyal; o 12 de agosto será a quenda de Pol 3.14, o artista que se converteu nun fenómeno de masas co tema ‘No Time’, que funcionou como banda sonora da última temporada da popular serie ‘La Casa de Papel’, e o 13 de agosto está confirmada a vibrante banda de soul viguesa The Soul Jacket, que presentarán o seu novo traballo, ‘Kick Radio’, e estarán precedidos da actuación da viguesa MaríaSOA.

Espazo Fest naceu o pasado ano como unha alternativa ao aire libre, para poder gozar os concertos malia as restriccións da pandemia. O concepto do festival pasa pola música nos xardíns dos pazos de Nigrán cunha conexión coa gastronomía e o patrimonio.

A idea tivo unha gran acollida, e máis de 6.000 persoas pasaron o pasado verán pola primeira edición do festival, que contou con artistas como Iván Ferreiro, Coque Malla, Marlango, Carlos Sadness ou La Bien Querida. Este ano tamén está previsto a presenza de bandas locais, seguindo a filosofía de combinar artistas consagrados con oportunidades para grupos emerxentes.

A proposta do festival é vivir unha experiencia singular na que a música sexa un reclamo para achegarse a ese tesouro pouco coñecido que é o patrimonio arquitectónico dos pazos. Trátase de desfrutar destes espazos, moitos deles pechados habitualmente ao público, e deixarse envolver pola natureza dos xardíns onde medran magnolios señoriales e camelias centenarias. Cada unha das actuacións terá un aforo máximo de 2.000 persoas de pé, e nas vindeiras semanas está previsto o anuncio de novos grupos.

Todas as entradas están á venda a través de espazofest.com e teuticket.com

Está pasando!

ven22nov09:00XIII Encontro de Conservación e Restauración en PontevedraA madeira, soporte de bens culturais09:00 Pontevedra

ven22nov20:00Concerto de Abraham Cupeiro en Vilagarcía'resoando no pasado'20:00 Vilagarcía de Arousa

sáb23nov10:00Andaina solidaria do Rotary Club de Pontevedraaxuda aos damnificados pola DANA10:00 Lago de Castiñeiras

sáb23nov10:30Ruta guiada 'Mulleres na Historia de Moaña'Descubre Moaña no Outono 202410:30 Moaña

VER MÁIS AXENDA