Presentación do cartel da Festa Corsaria | © Concello de Marín

Marín quenta motores para a Festa Corsaria coa apertura do prazo para solicitar a instalación de mesas

21 Xullo 2023

A Festa Corsaria é xa desde hai anos unha data referente no calendario festivo de Marín e de toda a provincia. A historia e a figura de Gago de Mendoza e dos seus corsarios servirá de novo de fío conductor para a diversión que se espera vivir o próximo sábado 19 de agosto, día de celebración da festa. Así a todo, xa desde o día anterior haberá ambiente corsario coa apertura do mercadiño.

A alcaldesa María Ramallo e a concelleira de Medio Ambiente, Marián Sanmartín, presentaron esta mañá o cartel desta nova edición e adiantaron cando se abrirá o prazo para poder solicitar a instalación de mesas na rúa: o próximo mércores, 26 de xullo, e estará aberto ata o 11 de agosto.

“Tal e como fixemos noutros anos, respetaranse os espazos que ocupou xente tradicionalmente coas súas mesas, pero temos espazo de sobra e poden solicitarse as que se queiran”, explicou a concelleira, que engadiu que o obxectivo da festa ano a ano é “seguir crecendo, consolidarse e aportar cada ano algo novo e distinto para que as persoas que repiten desfruten sempre dalgo máis”.

Precisamente nesa liña, Sanmartín adiantou que “temos varias novidades preparadas, entre elas unha nova ubicación para o espectáculo nocturno, de xeito que poida verse con máis comodidade”. A concelleira explicou tamén que máis cerca da data desveralase o programa completo e daranse máis detalles.

Está pasando!

ven22nov09:00XIII Encontro de Conservación e Restauración en PontevedraA madeira, soporte de bens culturais09:00 Pontevedra

ven22nov20:00Concerto de Abraham Cupeiro en Vilagarcía'resoando no pasado'20:00 Vilagarcía de Arousa

sáb23nov10:00Andaina solidaria do Rotary Club de Pontevedraaxuda aos damnificados pola DANA10:00 Lago de Castiñeiras

sáb23nov10:30Ruta guiada 'Mulleres na Historia de Moaña'Descubre Moaña no Outono 202410:30 Moaña

VER MÁIS AXENDA