Eva Hache e Ana Morgade | © Etiqueta Negra Producciones

‘Mentes peligrosas’, un novo espectáculo de humor, chega ao Auditorio Mar de Vigo con Eva Hache, Ana Morgade, Leo Harlem e Xosé A. Touriñán

31 Xullo 2023

  • O novo show da produtora Etiqueta Negra Producciones reunirá aos mellores cómicos do país nunha xira que percorrerá toda a xeografía nacional nun formato de catro artistas por función
  • As entradas para a función no Auditorio Mar de Vigo o vindeiro 24 de febreiro xa están á venda en mentespeligrosas.es e teuticket.com

‘Mentes Peligrosas’, un novo espectáculo de humor chega ao Auditorio Mar de Vigo o sábado 24 de febreiro ás 21.00 horas con Eva Hache, Ana Morgade, Leo Harlem e Xosé A. Touriñán. O show, que chega da man da produtora Etiqueta Negra Producciones, arrinca unha xira que percorrerá toda a xeografía nacional, cun elenco de luxo composto polos mellores cómicos do país.

Eva Hache e Ana Morgade encabezan o cartel como anfitrioas do espectáculo, que reunirá a catro artistas por cidade. Os primeiros confirmados que se irán alternando nas funcións son: Álex Clavero, Carolina Iglesias, JJ Vaquero, Leo Harlem, Luis Piedrahita, Omayra Cazorla e Xosé A. Touriñán.

Leo Harlem |  © Etiqueta Negra Producciones

Cunha espectacular montaxe de imaxe, luz e son, a obra, que dura 90 minutos, estréase nos escenarios producida, escrita e dirixida por Etiqueta Negra Producciones e contou cun equipo composto por La Cía de la Luz no deseño de luces e escenografía, Victoria Nogales no deseño de vestiario e Carlos Villarejo na dirección de fotografía.

Inspirado nas festas de antigos alumnos, ‘Mentes Peligrosas’ é o reencontro no que se poderá gozar dos cómicos máis importantes da historia do humor patrio. O novo show visitará os espazos máis emblemáticos do país. As entradas xa están á venda na web do espectáculo www.mentespeligrosas.es e www.teuticket.com.

As primeiras cidades confirmadas da xira son: Las Palmas de Gran Canaria —pre-estrea no ‘Festival de Humor 8 Illas, Reíslas’ o sábado 16 de setembro no Auditorio Alfredo Kraus—, Gijón —sábado 14 de outubro en Laboral Ciudad da Cultura—, Donostia —sábado 4 de novembro no Kursaal—, Palma de Mallorca —sábado 25 de novembro en Trui Teatre—, Santander —sábado 13 de xaneiro no Palacio de Festivales de Cantabria—, Vigo —sábado 24 de febreiro no Auditorio Mar de Vigo—, Burgos —sábado 2 de marzo en Fórum Evolución—, Barcelona —sábado 16 de marzo no Auditori Fòrum CCIB—, Valladolid —sábado 13 de abril no Auditorio Miguel Delibes— e Pamplona —sábado 16 de novembro de 2024 no Auditorio de Navarra Baluarte—. Proximamente desde a produtora desvelarán as seguintes cidades da xira.

Xosé A. Touriñán | © Etiqueta Negra Producciones

Sinopse:

Como en todas as reunións de antigos alumnos, os vellos amigos están desexando reencontrarse para saír a cear, celebrar, beber, bailar, pero, sobre todo, para comprobar que polo resto pasaron os anos peor que por un mesmo, e isto se é motivo de celebración.

Da “escola da comedia” nacional saíron algunhas das mentes máis afiadas, máis orixinais, máis creativas… e máis perigosas. Pero son elas, co seu humor, as que nos fan a vida máis soportable e divertida, así que xa era hora de organizarlles unha festa para que se reencontren despois de tantos anos.

Así nace ‘Mentes Peligrosas’, unha festa da risa, onde se poderá gozar dalgúns dos cómicos máis importantes da historia do humor patrio.

Etiqueta Negra é unha empresa galega con máis de 20 anos de experiencia no mundo do entretemento. O seu obxectivo é inspirar e conectar artistas e marcas, e para isto divide o seu traballo en tres áreas de negocio: producións, management & booking, e eventos privados/servizo de consultoría para marcas. O sector da comedia entendida en todos os seus ámbitos é o eixo fundamental do seu traballo. A empresa produce centos de eventos ao ano por todos os recunchos do país, destacando eventos de gran formato como o Encontro Mundial de Humorismo.

Está pasando!

sáb23nov10:00Andaina solidaria do Rotary Club de Pontevedraaxuda aos damnificados pola DANA10:00 Lago de Castiñeiras

sáb23nov10:30Ruta guiada 'Mulleres na Historia de Moaña'Descubre Moaña no Outono 202410:30 Moaña

sáb23nov11:30Visita ao mural ‘O río da vida’ da UNED Pontevedra Fundación Manuel Moldes e Concello de Pontevedra11:30 Pontevedra

sáb23nov18:00‘Conversas do primeiro andar’ no Mercado de PontevedraMúsica, libros e viño no Gastroespazo do Mercado 18:00 Pontevedra

VER MÁIS AXENDA